“Ha’u ko’alia tiha ona ho Primeiru Ministru katak apoiu hirak ne’e Governu mak tenke halo”, deklara Horta hafoin hala'o vizita ba Armajen SAMES iha Kampu Alor, segunda (01/08).
Tanba orsamentu ne'ebé kada tinan prevee ba Prezidente Repúblika, la’ós atu halo uma ka halo negósiu ruma, nu’udar Prezidente Repúblika so tulun komunidade sira tuir kbi’it no orsamentu ne’ebé Prezidénsia Repúblika iha.
Maibé Prezidénsia Repúblika mós sei la taka dalan ba proposta husi komunidade no sei halo pagamentu tuir kbi’it orsamebtu ne’ebé Prezidénsia Repúblika iha, enkuantu balun ne'ebé ho nia montante ne'e sei re-kanaliza ba ministériu relevante atu hetan tulun-ruma.
“Prezidente Repúblika laiha problema ho komunidade ne’ebé hatama proposta tanba iha tinan hirak nia laran ne’e, simu karta barak no buka esforsu rezolve mesmesak no balun la konsege ajuda”, afirma nia. (*)