Xefe governu relata, iha fulan-Agostu mosu kazu rua pozitivu, maibé esforsu tomak Ministériu Saúde maka moras ne’e la hada’et ba ema seluk.

Nune’e, haree ba kazu importasaun Covid-19 ne’ebé sei kontinua mosu maka governu hakarak nafatin implementa EE ba dalimak.

Nia dehan, bainhira Timor-Leste susesu maka atinji duni objetivu evita TL labele mate ba moras Covid-19 ne'e.

Atu Covid-19 labele fó risku ba TL, nia dehan, governu iha objetivu nafatin oinsá bele reuni esforsu, kondisaun no kapasidade hotu, para evita kontajen sira iha sosiedade nia leet.

"Se ita konsege ida ne'e, nia ajuda ita atu labele hetan mate iha ita-nia rain", dehan Matan Ruak, liuhusi nia intervensaun, iha Parlamentu Nasionál, Kinta (3/9).

Nune’e, nia husu ba Parlamentu Nasionál atu bele fó autorizasaun ba Prezidente Repúblika (PR) atu bele deklara EE dala lima, atu governu bele hahú hala'o ninia kompeténsia kona-ba aplika regra ba iha territóriu Timor-Leste. (*)