Login to your account

Username *
Password *
Remember Me

RNDJ-KRDTL Hahú Nakfera, Unijma Pro RDTL Nega Angela

Portavoz Orgaun Diretiva Central (ORDIC) José Teki-Liras ho ekipa halo hela pers konferénsia iha Manleuana, Kinta (3/9) Portavoz Orgaun Diretiva Central (ORDIC) José Teki-Liras ho ekipa halo hela pers konferénsia iha Manleuana, Kinta (3/9) Foto Tempo Timor

Tempotimor (Dili)-Grupu Rezistensia Nasionál Defende Justisa no Konstituisaun RDTL (RNDJ-KRDTL) hahú nakfera. Hafoin kansela manifestasaun neebé tuir planu sei realiza iha 4 Setembru, ikus mai lider CPD-RDTL no Unijma Pro RDTL deklara la envolve iha grupu nee.

Hanesan públiku hatene, molok nee lider Unijma Pro RDTL Antonio Aitahan Matak ativu tebes hodi fó apoiu no reprezenta grupu RNDJ-KRDTL hodi halo koordenasaun ho Polisia Nasional Timor-Leste (PNTL) atu halo manifestasaun kontra PR Lú Olo.

Maibé, Portavoz Orgaun Diretiva Sentral (Ordic) CPD-RDTL no Unijma Pro RDTL José Teki-Liras hatete, Unijma Pro RDTL la hola parte iha grupu Angela Freitas.

"Fretilin nia organizasaun, CPD-RDTL ka Fretilin Movimentu no Unijma Ativista PRO-RDTL, la halo parte iha manifestasaun ne'ebé grupu RNDJ-KRDTL sei hala'o iha loron 4 Setembru aban, ne'ebé adi'a ba tempu seluk," dehan portavoz Ordic iha Manleuana, Kinta (03/09).

Ho nunee, Teki-Liras husu ba parte seguransa atu halo kapturasaun ba individu balun neebé uza atributu CPD-RDTL no Unijma hodi envole iha manifestasaun.

"Fó hatene ba komandu F-FDTL no PNTL ho públiku tomak katak, ema ruma ka grupu balun mak lori organizasaun nia atributu hanesan bandeira Frente no bandeira OPTT ka emblema estandarte serbisu nian, di'ak liu prende no investiga ema sira nee, tanba laiha autorizasaun husi diresaun," dehan nia.

Portavoz ne'e mós apela ba membru hotu iha teritóriu nasionál atu hakmatek iha fatin no labele hakat liu orientasaun no prinsipiu organizasaun nian.

"Husu ba organizasaun nia kuadru, dirijente sira, militantes, responsavél massa populár wa'in atu hakmatek ho vizilánsia popular forte iha ida-idak nia sentru no labele hakat liu organizasaun nia orientasaun no prinisípiu hodi kahur tun-sa'e," Teki-Liras afirma.

Rate this item
(4 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter