Login to your account

Username *
Password *
Remember Me

Ohin, PR Deklara EE Faze Dahaat : Husu Tau Atensaun Ba Pontu Entrada, Atividade Rai Laran La'o Normal

Prezidente da Republika informa, Prezidente Repúblika, Francisco Guterres Lú-Olo Prezidente da Republika informa, Prezidente Repúblika, Francisco Guterres Lú-Olo Foto Pajina Ofisial PR

TempoTimor (Díli)- Liu husi Komunikadu ba Imprensa, Gabinete Prezidente da Republika informa, Prezidente Repúblika, Francisco Guterres Lú-Olo, deklara EE Faze dahaat, hahú loron Kinta (6/8), to'o fulan Setembru no husu atu tau atensaun ba pontu entrada sira tama mai territóriu nasionál, atu nune'e Timor-Leste bell hadook-aan husi surtu Covid-19.

Hafoin rona tiha hanoin favorável husi membru sira husi Konsellu Superiór Defeza no Seguransa no Konsellu Estadu, ohin Loron 5 fulan Agosto ne'e, Prezidente Repúblika, Francisco Guterres Lú Olo, haruka mensajen ba Parlamentu Nasionál, hodi husu autorizasaun atu halo deklarasaun ba estadu emerjénsia.

Liu husi mensájen ne’ebé diriji ba Parlamentu Nasionál, Prezidente Repúblika informa katak iha períodu naruk ida nia laran, iha territóriu nasionál la rejista kazu COVID-19, maibé ida ne’e la signfika, Timor-Leste livre ona husi risku ka perigu.

Tuir komunikadu imprensa ne'ebé tempotimor.com asesu, iha kalan Kuarta (5/8), katak TL sei kontinua hasoru risku, tanbá intensifikasaun kazu Covid-19 sei kontinua makaas iha nasaun viziñu sira.

"Ita sei hasoru nafatin risku tanba númeru kazu moras aumenta iha Repúblika Indonézia, partikularmente iha provínsia ne’ebé Timor-Leste fahe nia fronteira internasionál terrestre, no mós iha ita-nia país viziñu, Austrália. horseik, loron 4 fulan Agostu ne'e, Timor-Leste rejista tan kazu pozitivu foun ida, husi sidadaun ida ne’ebé tama mai territóriu nasionál husi fronteira terrestre. Dehan Prezidente Repúblika, Francisco Guterres Lú-Olo, Iha Komunikadu, Kuarta (05/08/2020) ne'e.

Iha komunikadu nee mos, Prezidente Repúblika husu atu tau atensaun espesiál ba pontus entrada sira, ba territóriu nasionál atu TL bele hasees-aan husi risku coronavírus tama mai rai laran. Sidadaun sira ne’ebé tama iha Timor-Leste, tenke submete ba kuarentena, katak sei moris ketak iha fatin ida durante loron sanulu resin haat.

Alende ne'e, iha estadu emerjénsia ida ne’e, atividade ekonómika, sosiál, kulturál, eskolár, serbisu, halimar, vizita família, toka no kanta sei la’o hanesan bainbain, maibé hotu-hotu tenke kumpri ijiene pesoál, hanesan prátika fase liman beibeik, uza máskara no distansiamentu sosiál, atu ema ida-idak bele hasees-aan husi moras Covid-19 no karik moras, la hada’et ba ema seluk.

Tuir PR Francisco Guterres Lú-Olo, lisaun prinsipál ida ne’ebé aprende, iha luta kontra koronavirus, mak unidade. Unidade husi ema hotu-hotu, feto, mane, foin-sa’e ka lae, sidadaun nasional ka estranjeiru. Hotu-hotu iha responsabilidade atu kumpre ninia dever ba Povu Timor-Leste no ba umanidade tomak. Liuhusi kontribuisaun ema hotu nian mak Timor-Leste bele manán dezafiu ida ne’e.

Iha komunikadu ne'e, Xefe Estadu akresenta, situasaun interna ohin loron iha TL, la eziji medidas forte hanesan Estadu Emerjénsia antes ne'e, maibé sei suspende no limita de'it sidadaun nia direitu balun.

"Ita-nia rai-laran la ejize medidas restritivas ne’ebé forte hanesan períodu estadu emerjénsia datoluk liubá . Tanba ne’e estadu emerjénsia foun ida ne’e sei parsialmente suspende no limita direitu ba sirkulasaun internasionál, liberdade sirkulasaun no fixasaun residénsia iha territóriu nasionál no mós direitu ba rezisténsia," haktuir Komunikadu ne'e.

Enkuantu ohin lokraik, Komisaun Permanente Parlamentu Nasional aprova ona pedidu autorizasaun husi Prezidente Repúblika.

Liuhusi Dekretu Presidensial ho data 5 Agosto 2020, Prezidente Repúblika deklara estadu emerjénsia ba loron-30, hahú husi tuku 00.00 iha 6 agostu 2020 (kinta feira) no remata iha tuku 23.59 iha 4 setembru 2020 (sesta feira).

Rate this item
(0 votes)
Last modified on Thursday, 06 August 2020 00:54
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter