PR Lu Olo Fahe Ona Konvite ba Membru Governu Foun, Sesta Simu Pose

Palasiu Prezidente da Republika iha Ai Tarak Laran Dili Palasiu Prezidente da Republika iha Ai Tarak Laran Dili Foto Suplai

Tempotimor (Dili)-Prezidente Repúblika Francisco Guterres Lu Olo fahe ona konvite ba kandidatu membru governu sira hodi marka prezensa iha serimonia tomada pose ne’ebé sei hala’o iha Sesta (29/05).

Tuir karta konvite ida ba kandidatu ministru ida ne’ebé www.tempotimor.com asesu, Kuarta (27/05), PR Lu Olo husu ba kandidatu refere atu marka prezensa iha serimonia tomada pose ne’ebé sei hala’o iha palasiu prezidensia Nicolau Lobato, tuku 10:00 oras Timor-Leste.

"Ho respeitu hodi konvida exelénsia Ministru *** par partisipa iha serimónia tomada de pose ba membru governu konstituisionál daualu, RDTL iha loron 29 Maiu 2020, iha tuku 10:00, iha Palásiu Prezidensiál Nicolau Lobato Bairro-pite," dehan PR Lu Olo liu husi ninia karta konvite ba kandidatu ministru ida.

Entretantu, tuir lista ne’ebé Primeiru Ministru Taur Matan Ruak aprezenta ona ba PR Lu Olo, iha kandidatu membru governu na’in 8 mak sei simu pose iha Sesta semana ne’e.

Entre figura hirak ne’ebé tama iha lista, iha naran “tuan” na’in rua iha governu daualu ne’ebé muda de’it sira-nia pozisaun. Fidelis Manuel Leite Magalhães husi PLP ne’ebé molok ne’e asume kargu nu’udar Ministru Reforma Lejislativa Asuntu Parlamentar sei muda ba Ministru Konsellu Ministru, no mudansa boot akontese ba Armanda Berta husi KHUNTO ne’ebé molok ne’e asume kargu nu’udar Ministra Solidariedade Sosial no Inkluzaun (MSSI) sa’e ba Vise Primeiru Ministru dahuluk.

Tuir mai lista kandidatu membru governu foun na’in neen (6) ne’ebé sei simu pose iha Sesta semana ne’e mak hanesan:

  1. Ministru Administrasaun Estatal, Miguel Pereira de Carvalho (FRETILIN)
  2. Ministru Agrikultura, Pedro Reis (KHUNTO)
  3. Ministru Finansas, Fernando Hanjam (FRETILIN)
  4. Ministra Saúde, Odete Belo  (FRETILIN)
  5. Ministru Asuntu Parlamentar  no Komunikasaun, Francisco Zerónimo (FRETILIN)
  6. Ministru Veteranus, Julio Sarmento 'Meta Malik' (PD)

Enkuantu membru governu ‘tuan’ ne’ebé hetan mudansa pozisaun mak hanesan:

  1. Vise Primeiru Ministru dahuluk, Armanda Berta (KHUNTO)

Ministru Konsellu Ministru, Fidelis Manuel Leite Magalhães (PLP

 

VIDEO PUBLISIDADE APELU HUSI PM TAUR APLAUS BA FRONT LINE

 

Rate this item
(0 votes)
Last modified on Friday, 05 June 2020 21:34
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.