SIJK: Iha Nesesidade Estende tan Estadu Emerjensia ba Dala Tolu

Komandante Operasionál SIJK daruak, Brigadeiru Jenerál João Miranda "Aluc Descartes" ko'alia ba jornalista iha Sala Situasaun iha CCD Komandante Operasionál SIJK daruak, Brigadeiru Jenerál João Miranda "Aluc Descartes" ko'alia ba jornalista iha Sala Situasaun iha CCD Foto Arkivu

Temopotimor (Dili)-Sentru Integradu ba Jestaun Krize (SIJK) aprezenta ona proposta ida kona-ba estensaun Estadu Emerjensia (EE) datoluk ba Konsellu Ministru (KM).

Komandante Operasionál SIJK daruak, Brigadeiru Jenerál João Miranda "Aluc Descartes" hatete, parte SIJK hatama ona proposta ba KM kona-ba estratéjia hafoin situasaun emerjénsia iha faze daruak.

"Ohin enkontru interministerial no husi sala de situasaun, Sentru Integradu Jestaun Krize, hato'o hela proposta ka estratéjia atu ezekuta depois de situasaun emerjénsia ida segunda faze ne'e," informa Aluc hafoin reuniaun iha Ministeriu Finansas Aitarak-Laran, Sesta (22/5).

Tuir estudu SIJK, Aluc dehan, presiza estende tan EE, maibé desizaun fila fali ba governu.

"Tuir estudu husi Sala de Situasaun, Sentru Integradu Jestaun Krize, atu estende bele dehan katak nesesidade, mais desizaun la'ós iha Sala de Situasaun nian, maibé desizaun ne'e planu ba iha Konsellu de Ministru," dehan nia.

Nia hatutan, ohin SIJK hatama ona proposta ba komisaun interministerial no hein de’it rezultadu aprovasaun husi konsellu Ministru iha semana oin.

"Proposta ami hatama ona ne'ebé ami hein hela aprovasaun husi konsellu Ministru ne'ebé mak sei halo iha semana oin mai, kona-ba atu estende tan situasaun Estadu Emerjénsia ida ne'e ka atu remata de'it iha ne'e, depende ba reuniaun Konsellu Ministru ne'ebé mak sei hala'o iha semana oin mai," nia afirma.

 

VIDEO PUBLISIDADE APELU HUSI PM TAUR APLAUS BA FRONT LINE

 

Rate this item
(1 Vote)
Last modified on Friday, 22 May 2020 21:12
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com