Aniceto Konsidera CNRT “Delek”

Prezidente Parlamentu Nasional, Aniceto Guterres Ko'alia ba Jornalista sira iha Parlamentu Nasional (22/5) Prezidente Parlamentu Nasional, Aniceto Guterres Ko'alia ba Jornalista sira iha Parlamentu Nasional (22/5) Foto Tempo Timor

Tempotimor (Dili)-Prezidente Parlamentu Nasionál husi bankada FRETILIN, Aniceto Guterres konsidera deklarasaun husi deputadu CNRT ne’ebé konsidera nia illegal hatudu molok ne’e deputadu CNRT sira la hetan dalan.

Tuir Prezidente PN ne’e, molok ne’e deputadu CNRT sira la hetan dalan tan ne’e mak sira halo azneira hodi hakoak no baku-fila kadeira no meza Prezidente PN.

"Ilegál ka legál ne'e, dalan iha par atu hatete ne'e legál ka lae, mais agora mak sira foin halo, problema mak antes ne'e parese sira la hetan dalan, pois mak sira halo azneira iha loron rua iha plenária ne'ebé imi asiste, ne'e mak la loos," dehan Aniceto iha PN, Sesta (22/05).

 

VIDEO PUBLISIDADE APELU HUSI PM TAUR APLAUS BA FRONT LINE

 

 

Molok ne’e, Vise Prezidente Bankada CNRT Patrocino dos Reis Fernandes hatete, bankada CNRT hato’o ona keixa ba Tribunal Rekursu kona-ba prosesu eleisaun ba Prezidente PN ne’ebé hala’o ho maneira illegal.

"Ami hatama ami-nia rekursu kontensiozu ba Tribunal Rekursu kona-ba PPN señor Aniceto Guterres ne’ebé mak eleitu ho maneira ilegál ka Ia tuir rekijitus konstitusionais, legais no rejimentu PN nian, tanba bankada Fretilin, PLP, KHUNTO no PD nia asaun ne'e hanesan hadau poder ho forsadamente," deklara Patrocino.

Entretantu, PPN sesante Arão Noé de Jesus da Costa Amaral afirma, Prezidente PN Aniceto laiha lejitimidade.

"Tuir rejimentu, laiha lejitimidade. Maiória sim, mais prosesu tenke tuir prosesu legál, tenke tuir prosedimentu legál, tanba ne'e mak prosesu legál mak sei determina maioria ka minoria," dehan Arão Noé

Rate this item
(0 votes)
Last modified on Friday, 22 May 2020 19:14
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com