"Hau, Prezidente Parlamentu Nasional konsidera katak laiha ona dalan ba deputadu sira atu rekere Distituisaun ba Prezidente Parlamentu Nasional ao mezmu tempu laiha ona fatin ba plenária," hateten Arão liu husi konferensia imprensa ne'ebé halao iha uma fukun Parlamentu nasional Dili, Kinta (14/05).
Arão hatutan,iha karta rekerimentu distituisaun ba Prezidente Parlamentu Nasional ne'ebé hato'o husi Bankada tolu hanesan PLP, Fretilin i Khunto tuir lolos dirije ba Prezidente Parlamentu Nasional, maibe requerente sira dirije fali ba Vise Prezidente Parlamentu Nasional.
VIDEO PUBLISIDADE APELU HUSI PM TAUR APLAUS BA FRONT LINE
"ida ne'e Kontra Rejimentu Parlamentu Nasional Artigu 17, nune'e konsidera ilegal no la tuir regra administartivu Parlamentu Nasional nian,"
Atual deputadu husi CNRT ne'e akresenta durante ne'e hanesan Prezidente Parlamentu Nasional kontinua hala'o nia funsaun no nunka falta ka Iha impedementu.
"rekerente nia akuzasaun katak PPN falta no iha impedimentu ne'e Laloos, Ilegal, no Lajustifikavel," dehan Arão.
PUBLISIDADE
Iha konferensia imprensa ne'e mos, Prezidenti Parlamentu nasional Arão Noé ezize ba Prezidenti Repúblika Francisco Guterres Lu Olo atu dezolve ona Parlamentu nasional tamba komsidera hafoin OJE Xumba iha 17 de Janeiru 2020 liu ona prazu loron 60 tuir K-RDTL artigu 86 alina f.
Entertantu antes ne'e Deputadu husi Bankada tolu hanesan PLP, Fretilin i Khunto hatama ona pedidu ka reketementu Distituisaun ba atual Prezidenti Parlamentu nasional Arão Noé tamba konsidera iha tendesius boikota aktividade Plenaria iha uma fukun Parlamentu nasional.(*)
PUBLISIDADE
