"Hau nudar Vice Prezidente Parlamentu hakarak hatete katak, buat hotu ita bazeia ba legalidade ne'ebe mak iha, tanba ne'e ita hotu-hotu tenke kumpre legalidade ne'ebe vigor sai mata dalan ba iha Parlamentu Nasional, maske iha semana rua ona la iha plenaria no Prezidente Parlamentu la iha informasaun ruma ba ami vice nain rua par normaliza atividade parlamentu nian hanesan bai-bain ho nune'e ami vice prontu ezekuta bazeia ba legalidade ne'ebe iha, ida ne'e mak ami vice nia kompetensia", Dehan Nia iha Parlamentu Nasional, kinta (14/5).
VIDEO PUBLISIDADE APELU HUSI PM TAUR APLAUS BA FRONT LINE
"Halai fali ba rekerentes deputadu maioria parlamentar kuandu atividade parlamentu la la'o sira iha direitu atu eziji ba Prezidente Parlamentu Nasional ho nia vice sira par oinsa atividade parlamentu la'o normal fila-fali", tenik Nia
"Se karik Prezidente Parlamentu la iha informasaun kona-ba ida ne'e ami Vice nain rua prontu ezekuta oredem bainhira iha baze legal", Nia relata
"Hau nia interpretasaun ba regimentu Parlamentu Nasional iha artigu 17 kompetensia Prezidente Parlamentu nian no nia mak iha kompetensia atu delega vice nain rua bazeia ba artigu 22 ne'ebe ko'alia kona-ba vice nain rua heran delegasaun ofisial husi Prezidente Parlamentu, kuandu la iha delegasaun fila-fali ba deputadu maioria parlamentu nasional ninian, tanba orgaun povu nian no parlamentu ne'e segundu orgaun iha Timor", deputadu ne'e afirma.
PUBLISIDADE
Deputadu Khunto ne'e akresenta, La iha despaisu husi Prezidente Parlamentu Nasional mak Vice sei lidera plenaria bazeia ba legalidade parlamentu nasional nian katak, presiza konsidera deputadu maioria nia ezijensia.
"Kuandu la iha despaisu husi Prezidente Parlamentu ba ami nain rua vice bazeia ba artigu 22 entaun kompetensia tomak tenke fila-fali ba deputadu sira, tanba Prezidente Parlamentu ne'e hili husi deputadu maioria Parlamentu Nasional, tanba ne'e ami sei ezekuta ida ne'e, naran katak ami labele viola rejimentu Parlamentu Nasional nian", Nia esplika.
Reprezenta povu atual ne'e esplika, kundu iha semana ida ne'e iha agenda Vice Prezidente Parlamentu Nasional prontu lidera plenaria bazeia ba regimentu Parlamentu Nasional artigu 14, artigu 16 B no artigu 20 B ida ne'e mak fo dalan ba Deputadu maioria atu desidi agenda ba konvokatoriu plenaria.
"Se Prezidente Parlamentu Nasional la agenda deputadu maioria iha dever no moral responsablidade par mai hakotu agenda iha plenaria laran tanba plenaria mak as liu", Nia hakotu.
PUBLISIDADE
