Vise Prezidente Bankada CNRT, Patrocino dos Reis Fernandes hatete, maske nia seidauk lee hotu rekerimentu destituisaun husi bankada tolu, maibé nia konsidera rekerimentu refere laiha baze fundamentu.
"Ba ha'u haree katak baze fundamentál laiha, maibé ha’u seidauk lee hotu sira-nia rekerimentu ne'e, mais ha'u halo de'it observasaun, ne'e laiha baze fundamental, nein legál," dehan Patrocinio iha PN, Sesta (08/05).
VIDEO PUBLISIDADE APELU HUSI PM TAUR APLAUS BA FRONT LINE
Tanba, nia hatete, bainhira proposta Orsamentu Jeral Estadu 2020 xumba iha PN, signifika PN lakon ona konfiansa ba governu, tan ne’e Prezidente PN iha kompetensia tomak atu demite governu.
"Iha 17 Janeiru (2020) bainhira proposta Orsamentu Jerál Estadu la pasa ka xumba iha Parlamentu Nasionál signifika parlamentu nasionál lakon ona konfiansa ba governu, entaun Prezidente Parlamentu Nasionál iha kompeténsia hodi demite governu, tanba ne'e laiha dalan hodi halo destituisaun ba meza PN," dehan nia.
Deputadu CNRT ne’e dehan, iha rekerimentu destituisaun hakerek prazu loron lima atu ajenda hodi debate, maibé Prezidente PN iha direitu atu estuda hodi haree rekerimentu refere iha baze fundamental ka lae.
PUBLISIDADE
Bainhira Prezidente PN haree katak rekerimentu refere laiha baze fundamental, nia hatete, Prezidente PN bele rezeita rekerimentu ne’e.
"Se iha baze fundamentál ruma, Prezidente (PN) sei estuda depois nia fó resposta, mais se laiha baze fundamentál ruma, ne'e di'ak liu Prezidente PN rezeita tiha, indifere tiha rekerimentu ida ne'e," dehan Patrocino.
Maibé, bainhira Prezidente PN la ajenda no Vise Prezidente PN mak ajenda fali signifika bankada tolu ne’e halo asaltu poder.
"Sira-nia rekerimentu ida ne'ebá ne'e hanesan ambisaun polítika ida par halo asuntu poder, ne'e parese bele, mais obriga vise Prezidente PN na'in rua mak ajenda ne'e mak ami bolu dehan asaltu poder ne'e," nia hatete.
PUBLISIDADE
