Arão deklara kestaun ne’e bainhira mosu rekerimentu destituisaun ba meza PN ne’ebé aprezenta husi bankada FRETILIN, PLP no KHUNTO.
"Krize (institusional) la'ós foin mosu, mosu kleur tiha ona, dezde orsamentu jerál estadu la pasa ka xumba," dehan Arão ba jornalista sira iha PN, Sesta (08/05).
Maske krize institusional ne’e mosu kleur ona, maibé tuir Prezidente PN ne’e, desizaun atu hakotu krize ne’e mak seidauk iha.
VIDEO PUBLISIDADE APELU HUSI PM TAUR APLAUS BA FRONT LINE
"Krize instituisionál ne'e mosu komesa 2020, bainhira OJE xumba, mais desizaun mak seidauk (iha), hodi hakotu krize ne'e," nia dehan.
Entretantu, razaun bankada FRETILIN, PLP no KHUNTO aprezenta rekerimentu destituisaun ba meza PN tanba konsidera Prezidente PN hakarak hamosu krize institusional hodi bele hakat ba eleisaun antesipada.
"Señor Arão Noé nia hahalok no inkapasidade ida ne’e hatudu mós katak nia ho nia partidu tenta atu provoka krize institusionál ida tanba sira hakarak atu ezekuta deklarasaun ne’ebé sira-nia prezidente CNRT halo tiha ona atu lori Timor-Leste ba eleisaun antesipada dala ida tan," deklara vise prezidente bankada PLP Francisco de Vasconcelhos iha sala bankada FRETILIN, Kuarta (06/05).
PUBLISIDADE
PUBLISIDADE