PM Taur: Ema Ida iha Same sai Suspeitu ba Covid-19

Primeiru Ministru Taur Matan Ruak hakat tama ba Plenaria Parlamentu Nasional hodi partisipa iha sesaun apresiasaun ba pedidu husi Prezidente da Republika relasiona ho autorizasaun hodi deklara estadu emerjensia iha teritoriu nasional Timor Leste (26/3) Primeiru Ministru Taur Matan Ruak hakat tama ba Plenaria Parlamentu Nasional hodi partisipa iha sesaun apresiasaun ba pedidu husi Prezidente da Republika relasiona ho autorizasaun hodi deklara estadu emerjensia iha teritoriu nasional Timor Leste (26/3) Foto tempotimor.com

Tempotimor (Dili)-Primeiru Ministru Taur Matan Ruak informa Timor-oan ida iha Same, Munisipiu Manufahi mak sai suspeitu ba Corona Virus Deasses 2019 (Covid-19).

PM Taur informa asuntu ne'e iha Parlamentu Nasionál bainhira aprezenta iha sesaun plenaria ba diskusaun Estadu Emerjensia.

Tuir PM Taur, Timor-oan ne'e foin fila husi rai li'ur.

"Ministra Saúde foin aviza katak ita daudauk ne'e iha suspeitu ida iha Same, foin mai husi sorin balun," dehan PM Taur iha PN, Kinta (26/03).

PM Taur dehan, klaru katak ba kazu Covid-19 importadu governu esforsu atu izola hodi labele da'et tan ba ema seluk.

"Tanba se afeta, sei multiplika, lais no maka'as loos," dehan Taur.

Rate this item
(8 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com