Rezolve Problema Inundasaun, Deputada CNRT: Osan Laiha, Governu husu ba PN

Jovens sira kous sai alizadu vitima Inundasaun iha Rai kotu tan ba ezgotu la iha (23/01) Jovens sira kous sai alizadu vitima Inundasaun iha Rai kotu tan ba ezgotu la iha (23/01) Foto epa

 

Tempotimor (Dili)-Deputadu sira iha Parlamentu Nasionál husu ba governu atu buka lalais solusaun ba problema inundasaun ne’ebé akontese iha kapital Dili. Karik governu laiha osan, PN loke odamatan atu governu ba husu osan hodi rezolve asuntu emerjensia.

Deputada husi bankada CNRT, Fernanda Lay husu ba governu atu halo jestaun ba osan duadesimu hodi bele responde ba situasaun emerjensia sira.

"Osan laiha Parlamentu Nasional autoriza foti osan iha fundu, kuandu situasaun emerjensia," dehan deputada CNRT ne’e iha Parlamentu Nasionál (PN), Segunda (27/01).

Deputada ne’e husu ba governu atu tenke halo jestaun didi’ak hodi evita inundasaun.

Iha fatin hanesan, deputadu bankada FRETILIN Aniceto Guterres hatete, daudauk ne’e governu presiza identifika ona area sira ne'ebé risku ba inundasaun, labele hein tan bailoron mak foin identifika.

"Udan boot la'os iha Tasi Tolu de'it, tanba tempu agora ne'e udan foin hahú, nune'e governu presiza iha planu atu evita,” deklara Aniceto.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.