Login to your account

Username *
Password *
Remember Me

PN Preokupa Estudante Timoroan iha Xina

Plenaria Parlamentu Nasional Timor Leste Plenaria Parlamentu Nasional Timor Leste Foto File

Tempotimor (Dili) - Relasiona ho virus Corona ne'ebe dadaun ne'e espalla ona iha mundu, deputadu sira iha Parlamentu Nasionál (PN) husu Ministru Negósiu Estranjeiru no Kooperasaun (MNEK) atu kontola timoroan sira ne'ebe daudaun estuda iha Xina.


Deputadu Bankada FRETILIN, Marito Mota hatete, Virus Corona agora la'o iha mundu, liu-liu iha Xina, no agora estudante timoroan ne'ebé hala'o sira nia estudu iha Xina sai vítima tanba hetan izolamentu husi Governu Xina.

"Iha média sosiál mós fahe ona informasaun katak, iha Xina sidade Wuhan izolodau tebes, movimentu hotu la la'o no loza taka hotu.  Tanba ne'e,  bolseiru sira iha Xina arraska ona ba hahán", dehan nia, iha Parlamentu Nasionál, Segunda (27/1).

Nia afirama, presiza tau atensaun tebes ba Virus Corona atu bele halo prevensaun, tanba virus ne'e daet lalais loos.

Entretantu, Governu Timor-Leste liuhusi MNEK planeia ona atu halo evakuasaun ba estudante timoroan iha Xina.

"Ami buka hela alternativa atu no ami halo ona kontaktu ho Governu Xina, atu nune'e estudante iha Xina nafatin iha Kondisaun diak", dehan Ministru Negósiu Estranjeiru no Kooperasaun (MNEK), Dionísio Babo Soares, iha Palásiu Prezidensiál, Bairru-Pité, Segunda (27/1).

Virus foun ho naran Corona Virus ne'e mosu iha Xina halo estudante timoroan tenke izola-aan iha dormitóriu hodi hadook aan husi ameasa moras ne'e.

"Estudantes sira hela de'it iha asrama, dormitóriu, labele sai, tenke taka hotu sira nia-aan para labele hetan moras," tenik nia.

Maski nune'e, nia dehan, to'o agora estudante timoroan iha Xina rasik seidauk identifika moras Corona.

Total estudante ne'ebé iha Xina kuaze estudante 170, entre 18 to'o 20 mak iha sidade Wuhan, sidade ne'ebe mosu Virus Corona.

Relasiona ho moras ne'e, autoridade Xina rasik halo ona medida preventiva taka sidade ne'ebé afetadu, nune'e halo ema hotu labele sai, labele tama, inklui estudante timoroan.

Virus Corona ne'e hahú da'et ba nasaun barak, tanba ne'e, husu atu timoroan hotu atu tuir matan-dalan ne'ebé Minusteiru Saúde hamutuk Organizadaun Mundial Saúde (OMS) fo sai, hanesan fase liman, labele kaer liman ho ema arbiru, hadook aan husi ema ne'ebé hetan influenza. (*)

Rate this item
(0 votes)
Last modified on Monday, 27 January 2020 15:44
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter