Governu Fiar PR Horta sei la Veta OJE 2023

By Tempo Timor December 06, 2022 712

font size decrease font size increase font size
Print
Email

Osan Dolar Amerikanu. Foto Suplay

Tempotimor (Dili)-Governu konsidera Prezidente Repúblika (PR), José Ramos Horta nu’udar ema ne’ebé matenek no hadomi nasaun Timor-Leste, nune’e fiar katak, sei la veta proposta lei Orsamentu Jerál Estadu (OJE).

"Ha'u fiar katak, Prezidente Repúblika mós ema ida ke matenek hadomi país ida ne'e eh depois mós ida ne'e, orsamentu ikus liu ona, tantu ha'u fiar katak, iha konsiderasaun ke di'ak ba orsamentu ida ne'e", dehan Ministru Finansas, Rui Augusto Gomes, iha palásiu Governu, segunda (05/12).

Tanba, bainhira Prezidente Repúblika veta OJE tinan 2023, governu sei tama ba iha rejime duadésima.

"Se veta ita la iha orsamentu signifika ita ba iha rejime duadésima", dehan nia.

Orsamentu ba tinan 2023, Parlamentu Nasionál aprova ona ho montante Biliaun US$1.16 iha Final Global no Governu haruka ona ba Prezidente Repúblika hodi hein prosesu promulgasaun. (*)

Rate this item

(0 votes)

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com