Tempotimor (Dili)-Governu liuhosi reuniaun Konsellu Minístru delibera no hein aprova projetu ba realizasaun prosedimentu exesionál ba rekrutamentu militár ba tinan 2023.

Tempotimor (Dili)-Governu liuhosi reuniaun Konsellu Ministru extraordináriu autoriza Ministériu Petroleu no Minerais (MPM), Vítor da Conceição atu tranfere despeza ba tranferensia fundu husi Orsamentu Jerál Estadu (OJE) Timor Gap, EP ho valór montante rihun US$54.

Tempotimor (Dili)-Governu liuhusi reuniaun konsellu ministru aprova ona alterasaun projetu dekretu-lei kona-ba rejime jurídiku komersializasaun ba substituisaun susu-been inan nian.

Tempotimor (Dili)-Governu liuhusi reuniaun konsellu minístru aprova estatutu karreira edukadór sira ba infánsia no ba profesór ensinu báziku no sekundáriu.

Tempotimor (Dili)-Ezekusaun reál ba Orsamentu Jerál Estadu (OJE) tinan 2023 to’o iha loron 24 fulan-fevereiru tinan 2023 atinji ona tokon US$87,6 hosi totál orsamentu aprovadu biliaun US$2,16.

Tempotimor (Baukau)-Governu liuhusi Ministériu Administrasaun Estatál (MAE), servisu hamutuk ho Programa Nasionál Dezenvolvimentu Suku (PNDS) sei harii tán Uma Naroman ba Povu (UNP) hamutuk rihun 3-resin iha faze datolu.

Tempotimor (Dili)-Governu liuhosi Reuniaun Konsellu Ministru autoriza despeza tokon US$22.7 ba Konstrusaun Estrada diresaun Postu Administrativu Uatulari, Munisípiu Vikeke liga ba Suku Laisorulai de Baixo, Postu Administrativu Lelikai, Munisípiu Baukau.

Tempotimor (Baukau)-Governu liuhusi Servisu Apoiu Soseidade Sivil no Auditória Sosial-Primeiru Ministru (SASCAS-PM-sigla portugés) servisu hamutuk ho Konsellu Veteranu Munisípal, apoiu orsamentu US$23.600 ba estudante kondisaun kbi'it la'ek hamutuk 59 iha Baukau.

Tempotimor (Baukau)-Governu liuhusi Ministéru Justisa (MJ) sei hasai obrigatóriu komunidade hamutuk uma ka'in-3 iha Aldeia Makadai de Baixo, Suku Bukoli, Postu Administrativu, Munisípiu Baukau, ne'ebé antes ne'e konsidera impede fatin ba konstrusaun monumentu saudozu Vicente Reis kodigu "Sahe".

Tempotimor (Baukau)-Governu liuhusi Ministériu Ensinu Superior Siensia no Kultura (MESSK), servisu hamutuk ho Fundu Dezenvolvimentu Kapital Umanu (FDCH-sigla portugés), rekolla ona dokumentus husi estudante na'in-645 iha Munisípiu Baukau, atu asesu ba programa bolsa hakbi'it no parsial tinan 2023.

Diretór servisu rekursu umanu, Munisípiu Baukau, João Bosco Ximenes, esplika, programa ne'e, Governu liuhusi FDCH hakarak apoiu estudante ne'ebé valór boot, maibé ekonómia família la sufisiente atu kontunua nia estudu iha univesidade.

Tanba ne'e, ekipa tékniku husi FDCH hamutuk ho servisu Administrasaun Munisípiu Baukau, hahú husi loron 06-13 fulan-fevereiru tinan 2023, konsege simu dokumentus husi estudante ba bolsa hakbi'it no parsial periodu 2023 nian, hamutuk 645 husi Postu Administrativu Baukau Vila, Baguia, Laga, Kelikai, Venilale inklui Vemase.

"Agora dadauk dadus ne'ebé tama ona ne'e kuaze 600-resin, ne'e estudante sira husi Postu-6 hotu, ba vaga bolsu habkbi'it no bolsu parsial", dehan nia iha vila nova Baukau, Segunda (13/02).

Estudante ne'ebé submete ona dokumentus ba bolsa hakbi'it, husi estudante finalista sekúndaria husi anu letivu 2017, ho valór 6.0, enkuantu bolsa parsial ho valór tenke 7.5 ba leten, husi anu letivu 2022 de'it.

Dokumentus ne'ebé estudante sira submete ona, sei halo selesaun iha nasionál, hafoin taka sai naran iha nivel Munisípiu.

Bainhira liu ona selesaun, Governu sei halo finansia tuir tipu bolsu ida-ida, hanesan benefisiáriu ba bolsa hakbi'it, Governu sei finansia fundus ba semester, selu hela fatin, inklui han hemu, enkuantu ba benefisiáriu bolsa parsial Governu selu de'it kada semester.

"Ha'u hanoin programa ne'e bele fasilita ita nia komunidade sira ne'ebé kbi'it la'ek laiha forsa atu selu sira nia oan nia eskola atu ba universidade", nia akresenta

Husu kandidatus sira, sai ona benefisáriu ba bolsa refere, tenke estuda no kumpre deklarasaun ne'ebé iha, tanba Governu tau ona osan hodi tau matan, maibé derepente eskola la hotu to'o dalan klaran hakarak sai, tenke devolve fali estadu nia osan.

"Ne'e regras mak hanesan ne'e, sé sira hakarak hola mane ou hola feto, família tenke selu fali estadu nia osan", nia hatete

Aman ba kandidatu bolsu hakbi'it, Feliz Manúel Belo, sente kontente ba programa refere, tanba bele ajuda ekonómia família kbi'it la'ek sira nia oan asesu ba edukasaun iha banku universitáriu.

"Ami sente kontente, tanba Estadu ajuda ona ami inan aman kbi'it la'ek, maibé liuhusi teste mak determina", nia subliña

Entretantu programa bolsa hakbi'it no parsial tinan 2023 ne'e, foku liubá área estudu Agrikultura ho nia área kursu 3, Edukasaun área kursu 10, Enjeñaria área kursu 9, Saúde área kursu 6, inklui, Siensia Sosiais área kursu 6. (*)