Login to your account

Username *
Password *
Remember Me

MAPKOMS Habelar Programa Naroman ba Suku iha Venilale

MAPKOMS, Francisco Martins da Costa Pereira Jerónimo hato'o hela intervensaun iha Suku Uai-Laha, Postu Administrativu Venilale, Munisípiu Baukau, sexta (2/12). MAPKOMS, Francisco Martins da Costa Pereira Jerónimo hato'o hela intervensaun iha Suku Uai-Laha, Postu Administrativu Venilale, Munisípiu Baukau, sexta (2/12). Foto Suplay

Tempotimor (Dili)-Loron sexta (2/12), Ministru Asuntu Parlamentár no Komunikasaun Sosiál (MAPKOMS) Francisco Martins da Costa Pereira Jerónimo, hala’o dialogu ho komunidade sira iha Suku Uai-Laha, Postu Administrativu Venilale, Munisípiu Baucau, atu habelar informasaun kona-ba programa ''Naroman ba Suku''.

Tanba, programa Governu iha povu nia le'et ka ‘Naroman ba Suku’ hanesan meius atu ko'alia no rona difikuldade, preokupasaun no problema ne’ebé komunidade sira hasoru.

Ministru, Francisco Martins, hatete, programa VIII governu nian haree liu ba ema, ema mak sai sentru ba dezenvolvimentu Nasionál no esforsu atu komunidade hotu bele sente dezenvolvimentu.

Nia argumenta, VIII governu mós esforsu nafatin atu hadi’a komunidade nia futuru liu husi área edukasaun, saúde no área sira seluk.

Nia dehan, tuir lolos membru Governu barak mai atu rona povu nia preokupasaun, maibé iha asuntu seluk, entaun sira labele mai, maibé preokupasaun hotu ne'ebé hato'o sei tutan ba ministériu relevante.

Ministru mós promete sei harii sentru informasaun iha Suku Uai-Laha atu joven sira bele aprende oinsá bele fahe informasaun ne'ebé los bá komunidade sira.

Nune’e, Xefe Suku Uai-Laha, Rafael Guterres, hato'o agradese ba MAPKOMS ho nia ekipa, tanba bele mai rona komunidade nia lian.

Dialogu ba programa Governu iha povu nia le'et ka ''Naroman ba Suku'' ne’e, hetan partisipasaun husi reprezentante husi parte Saúde , Segundu komandante PNTL Munisípiu Baukau, Komandante Polísia Eskuarda Venilale, Administradór Postu Administrativu Venilale no komunidade sira iha Suku Uai-Laha. (*)

Rate this item
(0 votes)
Last modified on Tuesday, 06 December 2022 13:22
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2023 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter