Tempotimor (Dili)-Sekretáriu Estadu Ambiente (SEA) liuhusi Autoridade Nasionál Lisensiamentu Ambiental, Institutu Públiku (ANLA,I.P) entrega Sertifikadu Lisensa Ambiental ba Titular Autoridade Municipal de Dili ba Projeitu Tibar Dumpsite Rehabilitation Upgrading Project (TDRUP).
Tuir informasaun ne’ebé www.tempotimor.com, asesu iha pájina Gabinete SEA, sesta (12/08) katak, sertifikadu ne’e Sekretáriu Ezekutivu Interino ANLA,I.P, António Lelo Taci, hanesan reprezenta SEA hodi entrega.
Tuir lolos Sekretáriu Estadu Ambiente (SEA), Demetrio Do Amaral de Carvalho mak entrega direitamente Sertifikadu Lisensa Ambiental ba Proponente Autoridade Municipal de Dili maibé ho kondisaun okupadu tanba ne’e delega fali reprezentante hodi entrega Sertifikadu Lisensa Ambiental ne’e ba Titular Autoridade Municipal de Dili.
Ba sertifikadu ne’ebé entrega ho esperansa boot katak depois lisensa ambientál emite Titular bele iha responsabilidade hodi banati tuir kondisaun Lisensa Ambientál.
Tanba ne’e husu nafatin ba PMU Munisipál Dili hamutuk ho ANLA,I.P halo komunikasaun di’ak nafatin iha futuru mai hodi garantia atividade konstrusaun to’o operasaun husi projetu TDRUP.
Nune’e Lisensa Ambiente sai hanesan matadalan ba titular hodi bele la’o tuir. (*)
