“Sim, ohin hasoru malu ho Primeiru Ministru, Taur Matan Ruak, hato'o asuntu balun kona-ba, oinsá atu haree lisensiamentu ambientál ba projetu estratéjiku sira iha ita-nia rain, ida mak melloramentu tratamentu lixu solídu urbana, tanba ne’e ami diskute ho Primeiru Ministru kona-ba emisaun lisensa ninian”, dehan Sekretáriu Estadu Demétrio hafoin hasoru malu ho PM, iha rezidénsia Farol, kinta (04/08).
Ba ida-ne’e Sekretáriu Estadu Ambiente iha papél importante atu garante emisaun lisensa ida iha nia tempu atu projetu ne’e bele hahú hodi bele halo konstrusaun ba Tibar hanesan fatin tau lixu ne’ebé di’ak.
Nune'e SEA serbisu hamutuk ho Ministériu Administrasaun Estatál (MAE) ba melloramentu jestaun lixu, enkuantu dekarbonizasaun nian tama ona iha faze implementasaun.
“Portofóliu prinsipál iha rekolla no tratamentu lixu ne’e tutela ba MAE, maibé iha munisípiu nia kontrolu, enkuantu SEA ajuda iha polítika ba resiklajen no polítika tratamentu lixu”, dehan nia. (*)
