Login to your account

Username *
Password *
Remember Me

Komunidade Suku Asulau Renova Tara Bandu ba Tinan 5

Sekretáriu Estadu Ambiente (SEA), Demetrio do Amaral de Carvalho, partisipa hela atividade tara bandu. Sekretáriu Estadu Ambiente (SEA), Demetrio do Amaral de Carvalho, partisipa hela atividade tara bandu. Foto Suplay

Tempotimor (Dili)-Sekretáriu Estadu Ambiente (SEA), Demetrio do Amaral de Carvalho hamutuk ho autoridade Munisípiu Eremera no Postu Administrativu Hatolia, partisipa serimónia renovasaun tara bandu iha suku Assulau ba tinan lima (5).

Tuir informasaun ne’ebé www.tempotimor.com, asesu iha pájina Gabinete SEA, segunda (08/08) katak, ativiidade tara bandu refere ho objetivu atu valoriza kulutura hodi fó espasu ba hadi’ak moris povu nian liuhusi tara bandu nune’e bele hamenus estragu ambientál husi hahalok ema nian.

Sekretáriu Estadu Ambiente , Demetrio hatete, implementasaun Tara Bandu atu hatudu kompromisu komunidade nia hodi haokur rai ba futuru.

“Asulauoan sira hatudu kompromisiu ho natureza. Bee-moos, rai bokur, ar mós ita impresta husi futuru jerasaun sira. Mai ita haboli hikas ba futuru jerasaun sira”, dehan nia.

Seremónia tara bandu ne’ebé Suku Asulau deklara mak bandu tesi ai arbiru, sunu rai, kasa animál fuik, kaer ikan ho enerjia ka soke iha mota laran no bee matan, halo seksuál hasoru minor idade, labele husik animál iha fatin públiku no seluk seluk, tanba ne’e hakerek ona iha akta deklarasaun Bandu nian.

Komisaun  no Lian-na’in suku Asulau iha deklarasaun bandu hatete , wainhira ema ka grupu la kompri lei tara bandu ne’e mak sei hetan sansaun ka multa tuir akta ne’eb’e hakerek ona iha suku Asulau.

Iha serimónia tara bandu ne’e, realiza servisu hamutuk ho Programa CCCD husi UNDP ne’ebé partisipa husi Sekretáriu Estadu Ambiente, Demetrio do Amaral de Carvalho, representante Administradór Munisípiu Ermera, Xefe Suku Asulau no estrutura, PNTL, lia-na’in  suku Asulau no populasaun. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter