Login to your account

Username *
Password *
Remember Me

PM Deklara Kontribuisaun Timoroan iha Estranjeiru ‘Obriga’ Governu Sei Kria Sekretáriu Estadu

Primeriu Ministru (PM), Taur Matan Ruak. Primeriu Ministru (PM), Taur Matan Ruak. Foto Suplay

Tempotimor (Dili)-Primeriu Ministru (PM), Taur Matan Ruak deklara, kontribuisaun Timoroan sira ne'ebé servisu iha estranjeiru ba dezenvolvimentu nasaun nina obriga Governu sei kria Sekretáriu Estadu ba Komunidade sira iha Estranjeiru, atubele tau matan ba sira.

“Ho ida ne'e Governu deside atu kria Sekretáriu Estadu ida tau matan ba ita-nia komunidade sira iha rai liur, hodi reforsa serbisu Ministériu Negósiu Estranjeiru, atu tau matan ba sira, iha ne'ebé de’it sira hela ba. Tanba sira mós rai ida ne'e nia oan, sira mós fó nia kontribusaun ba nasaun ida ne'e”, dehan PM Taur, iha Salaun Ótel Timor Lodge Komoro, sesta (06/05).

Xefe Governu fó sai deklarasaun ne’e bainhira Partisipa iha serimónia despedida no asina deklarasaun entre família traballadór ho SEFOPE kona-ba traballadór Timoroan na'in-87 ne'ebé atu ba serbisu iha Korea Súl.

Tanba iha tinan 2021 Timoroan sira iha Austrália, Korea, Irlánda, Inglaterra, no husi rai ne'ebé de'it hatama reseita hamutuk millaun $121 ba kofre estadu.

“Ida ne'e di'ak tebes. Ita-boot sira haree, iha 2021 ita-nia oan sira, família sira, Timoroan sira iha rai liur haruka osan mai 121 milhões dolar amerikanu, ba ita-nia kofre estadu”, afirma Taur.

Tanba uluk reseita Timor-Leste nia ne'e mai husi fundu petrolifeira no kafe, maibé dadaun ne'e traballadór no Timoroan sira ne'ebé iha rai liur ne’ebé kontribui.

“Ita-nia reseita uluk minarai mak premeiru, kafésegundu, maibé agora sira mak segundu fali, kafé ba tiha kotuk ona, ida ne'e kontribui maka’as ba dezenvolvimentu iha nasaun ne'e”, informa nia. (*)

Rate this item
(0 votes)
Last modified on Friday, 06 May 2022 14:03
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« June 2022 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      

Tempo Timor Networks

Online Counter