“Ró haksolok la'o di'ak loos, ha'u hakarak hatete iha fulan tolu dahuluk nian, estaleiru ita halo ona ita hadi'a didi’ak ona, agora fulan tolu tuir mai komesa hadi'a ona ró ne'e, ita hein katak tinan oin (2023) ró ne'e hotu ona (beres)”, dehan Arsenio Bano hafoin hala'o promoesaun ba website turizmu komunitáriu RAOEA-ZEESM nian iha muzeun rejisténsia, sesta (06/05).
Tanba ko'alia kona-ba transporte marítima ba Oekussi ne'e, iha duni rua, hanesan Berlin Ramelau ho Kapal Cepat (Ró Lalais) maibé foin lalais Berlin Ramelau paradu ka halo operasaun tanba enfrenta hela problema balun.
Maske nune'e, dadauk parte autoridade RAEOA mós simu ona informasaun balun husi APORTIL katak iha semana ne'e nia laran, Ró Berlin Ramelau sei hala'o hikas operasaun Dili-Oekussi.
“Ró Berlin ami rona dehan iha semana ne'e atu la'o, iha mós kapal cepat, la'o hela”, esplika nia.
Aleinde tranasporte marítima, iha mós transporte aero nian, kona-ba aviaun ne'ebé mak agora la'o dala rua, maibé autoridade ko’alia ona ho autoridade kompetente atu bele autoriza aviaun ne'e bele halo oerasaun dala tolu kada semana.
Maibé aviaun ne'e, sei selu tuir ema nia idade, siknifika labarik minoridade ne'e selu $20 no ema boot $40, ho ida ne'e depende ba ema sira ne'ebé hakarak viajen, bele foti opsaun seluk atu sa'e kapal cepat inklui Ró Berlin Ramelau.
“Entaun transporte ne'e iha, ita-nia obstakulu mak ne'e mais ha’u hanoin iha tempu naruk ne'e, mediu longu prazu ne'e ita sei laiha problema”, afirma nia. (*)