"Atividade ne'ebé preparasaun maximu husi IJE lansa ona ami nia brigada lima no ativu, sei tun ba Munisípiu sira destaka ho komunidade sira kona-ba pedidu sira husi autoridade lokál sira", dehan Prezidente IJE, I.P, Ermenegilda da Costa Laurentina. hafoin sorumutu ho Primeiru Ministru, Taur Matan Ruak iha palasiu governu, sesta (20/01).
Brigada ne’e, iha ema na’in-25, ne’ebé kompostu husi operador mekániku sira ho engeñeru, adjuntu, kordenador brigada ho lojistiku, operador na'in hitu, mekaniku nain tolu.
Nune’e, IJE halo ona preparasaun atu loke dalan iha área remotas ne'ebé seidauk iha, hodi bele fasilita prosesu eleisaun parlamentar liu-liu lori urnas ba to'o iha fatin preparasaun nian.
Tanba, Primeiru Ministru nia orientasaun katak, preparasaun ba estrada ne'ebé atu fasilita eleisaun mak importante, liu-liu fatin istóriku hanesan Remesiu, Uaimori, nune’e IJE loke ona dalan, maibé presiza mellora di'ak liután. (*)