Diretór STAE Baukau, Lucio Salvador Freitas, hatete, hahú halo apuramentu iha nivél Munísipal husi tuku 8:00 kalan, hafoin akta-5 husi sentru votasaun Aurobo (kaibada uaimua), sentru votasaun tasi (Buruma) inklui Teulale.

"Sentru votasaun ida to'o, pur-vota tuku 8:00 hanesan ne'e ita hahú apuramentu ne'e," dehan Lucio iha salaun apuramentu Baukau sabadu (19/03).

Akta ne'ebé to'o uluk iha salaun apuramentu Baukau, husi Postu Baukau vila no Vemase sorin.

Enkuantu husi postu Baguia, Laga, Kelikai no Venilale to'o tarde, tanba viajen dook.

"Sira la'o do'ok, depois eleitóres mós barak, entaun sira vota tarde, dala ruma apuramentu inisiál kontajen ne'e, kleur prensementu de aktas, razaun prinsipál sira husi do'ok mak mai, entaun konvoiu mak mai," nia hatete

Tuir planu STAE Munísipiu Baukau, sei finaliza apuramentu nivél Munísipal iha tuku 4:00 dadersan.

Dadus provizoriu, akta ne’ebé tama ona iha STAE Baukau husi tótal sentru votasaun 20 kompostu Suku Kaibada sentru votasaun 2, Buruma 3, Uailili 1, Tirilolo 2, Gariuai 2,  Vemase tasi 2, Ossouala 1, Samalari 2 no seluk husi tótal sentru votasuan iha Baukau hamutuk 125 ne’ebé dizita ona hamutuk akta 11, no seidauk dizita akta 114 husi eleitóres hamutuk 96.207.

Munísipiu Baukau provizoriu kandidatura Prezidente Repúblika ho númeru sorteiu 6, Francisco Guterres Lú Olo mak okupa dahuluk ho votantes 1.500, pursentu 43,47%, kandidatura númeru sorteiu 14, José Ramos Horta ho votus 972, pursentu 28,17% no kandidatura independente, Lere Anan Timur ho votus 437, pursentu 12,66%. (*)