"Ne'e depende ba povu nia eskolla, atu prezidente ne'e atu sai prezidente ida ke mais prósimu, prezidente ida besik povu, hamutuk ho povu ki’ak sira atu ajuda sira sai husi terus no ki'ak liliu atu ajuda sira-nia oan sira atu hetan oportunidade ba eskola, tanba eskola no matenek mak bele muda sira-nia vida, muda família no muda nasaun”, dehan Isabel hafoin vota iha sentru votasaun iha Sede Suku Metiaut, sábadu (29/03).

Tanba ema hothotu iha direitu hodi ezerse direitu hanesan sidadaun ida, hodi hili desizaun ida ne'ebé loos ba hodi hili Prezidente Repúblika tuir nia hakarak.

“Ohin dia 19 ita hotu mai ezerse ita-nia direitu hodi hili ita-nia Prezidente Repúblika, ha'u espera povu Timor-Leste halo desizaun ne'ebé loos no di'ak atu eskolla prezidente Repúblika ne'ebé hadomi povu atu tau matan ba povu no rai ida ne'e para bele liberta povu husi terus no ki'ak, ba povu hothotu deseju ke ita-nia eleisaun ne'e la'o ho di'ak para ita bele hetan rezultadu ne'ebé di'ak tuir ita-nia hakarak rezultadu saida de'it Timoroan tenke servisu simu”, hatete nia.

Maibé esperansa katak iha eleisaun Prezidensiál ida ne'e sidadaun hothotu simu rezultadu, tuir saida mak povu rasik hili, no bele halo tuir povu nia hakarak. (*)