“Objetivu prinsipál husi sesaun ne'e nessesariamente tanba ami sistematiza tiha ba atividade POSCO ninian atu kanaliza prosesu ba kamapaña. Atividade ne'e partisipa husi Koordenadór Suku no Aldeia inklui Kamarada, Belun no kompaneiru sira ne'e ami akumula hotu iha ne'e”, dehan Vise Koordenador POSCO Postu Kristu Rei, Evangelino Gusmão, iha POSCO Partidu Demokratiku Bekora, sábadu (05/03).
Iha atividade ne'e materia ne'ebé ferese mak lideransa no jestaun atu transforma karater komunikativu ida ba sosiedade sira nia leet.
Nune'e sira bele hatene utiliza termu ba komuniddae sira tanba Timor-Leste tama ona iha prosesu kampaña nia laran liliu Koordenadór sira bele iha ona koñesementu kona-ba utilizasaun termu sira ho di’ak.
Koordenadór Partidu Demokrátiku iha Postu Kristu Rei, Curinho da Silva hatete, atividade ne'e atu fó kapasitasaun ba Koordenadór Suku no Aldeia sira atu prepara sira-nia an atu tun ba terenu, atubele gaiña militante sira iha baze.
Atividade ne'e lao loron tomak no partisipa husi joven hamutuk na'in-92 inklui militante sira ne'ebé mak hakarak fó nia votu ba kandidatu Prezidnete Repúblika Mariano Sabino ‘Asanami’ ne’ebé aprende kona-ba lideransa no jestaun. (*)