“Depois de halo fikalizasaun ba Munisípiu barak, ha'u deskobre katak iha ligasaun estrada ba Postu Administrativu iha Teritóriu laran tomak, ne'ebé mak presiza tebes atu hadi'a ka atu halo melloria”, dehan nia iha plenáriu PN, tersa (02/08).
Tanba estrada ba postu Administrativu sira importante tebes atu fasilita populasan sira bele ba mai, nomós haree ba área potensiál turistika balun hanesan iha Atsabe iha potensiál boot maibé dalan ne'e la di'ak.
Maske kestaun ida-ne'e ejize bebeik ona ba Governu atu hadi’a dalan ne'ebé ba Postu Atsabe ba Letefoho, nomós ba Postu sira hotu iha Teritóriu Timór laran tomak maibé kontinua seiduak iha solusaun.
“Ami ba vizita fiskalizasaun ida iha Loré-Lospalos, wainhira ami ba to'o tasi-ibun iha ne'ebá, ami haree katak paisazen di'ak la halimar e iha potensia turistiku ida boot lahalimar, iha ne'eba kada tinan maluk sira halo 'mici' maibé dalan ne'ebé ligasaun husi Lospalos ba Lore, dalan ne'e kondisaun la di'ak”, hatutan nia.
Tanba ne'e, Governu iha dever atu haree hadi’a ligasaun estrada ba Postu Administrativu sira, la'ós atu halo hotu dala-ida maibé kada tinan tenke prioritiza ba iba postu balun atubele fasilita mobilizaaun populasan sira iha postu sira nomós fasilita ema sira ne'ebé hakarak ba haree paisazen furak iha postu no Suku sira. (*)