Tanba durante ne’e komisáriu direitu labarik ho CNE halo ona enkontru ho partidu politiku sira ho ekipa susesu sira katak, iha atividade kampaña bandu inan aman sira atu lori oan idade sei ki’ik, tanba seidauk iha direitu ba vota.

“Maibé iha asuntu ne’e komisaun direitu labarik mós ko’alia ona kona-ba labarik barak haree atvidade kampaña ne’e rame-rame sira ba nonton no balun uza labarik sira ba atividade partidu politiku atu tara tais, maibé bandu inan aman atu tula iha karreta ba partisipa kampaña”, dehan José Belo, liuhusi telefone, sesta (04/03).

Tanba, atividade kampaña eleitorál ba prezidente repúblika hahú iha loron 02 fulan-marsu, iha terenu labarik barak mak inan aman sira lori ba asiste iha kampaña.

“Tanba ne'e liga ba asuntu ida ne’e ami sei komunika ho ekipa susesu ho kandidatu PR atu fó xamada ida ba sira, atu kummpri ba regra, labele envolve labarik ki’ik iha tempu kampaña”, dehan nia.

Ho lsituasaun envovlimentu labarik sira iha kampaña eleitorál la eduka labarik sira, no falta responsabilidade husi família liliu inan aman ne’ebé la haree oan sira.

“Kazu ida ne’e ita haree la edukativu, inan ho aman bele ba kampaña, labarik sira tenke hela iha uma, tanba sira seidauk iha direitu ba votu, maibé ida ne’e akontese ami konsidera sira falta resposabilidade”, afirma nia. (*)