“Ami Juventude FRETILIN, Frente Revolusionariu Timor-Leste Independente (FRETILIN) hamutuk ho estrutura juventude FRETILIN no militante sira FRETILIN iha eis merkadu Komoro reafirma ami-nia posizaun nafatin hanesan jerasaun FRETILIN, hodi kumpri rezolusaun no. 1/1.KNJF/2022, kona-ba konsisténsia banati tuir desizaun partidu nian, relasaun ho Re-kandidatura Francisco Guterres ‘Lú Olo’, Prezidente Repúblika periodu 2022 to'o 2027”, dehan nia iha fatin Eis Merkadu Komoro, sábadu (05/03).

Hanesan militante di'ak ida husi partidu FRETILIN ne'ebé Komprometidu no dedika-an tomak iha tempu rezisténsia no referendu hodi kontinua nafatin to'o agora.

“Ami juventude FRETILIN rekoñese, louva matenek no esperiénsia hodi hatur soberanu Estadu no hamutuk ho membru Asembleia konstituiante tomak, difine Repúblika Demokrátika Timor-Leste, sai hanesan poder iha prezidensia Repúblika, legislativu, ezekutivu no juridikativu”, afirma nia.

Tanba Prezidente Lú Olo serbí ho nia matenek esperiénsia hodi hatudu ba Repúblika Demokratika Timor-Leste, liuhusi kna’ar importante ne'ebé povu tomak iha Timor-Leste, nafatin fiar-an hodi lidera Estadu ida ne’e.

“Ami juventude rekoñese nia lideransa, bainhira sai prezidente Repúblika luta tuir dalan Konstitusaun, atu hatuur lideransa ba nasaun, ne'ebé nakonu ho integridade morál ho responsabilidade sosiál, atu ukun na’in sira dook husi korrupsaun, nepotizmu no koluzaun”, haktenik nia.

Hanesan Prezidente Repúblika ne'ebé sempre rona hanoin sira husi pilar hotu iha instituisaun Estadu, organizasaun veteranu kombatente, frente rezisténsia sira hotu iha sosiedade sivíl.

“Lú Olo sai líder ezemplar ba sosiedade Timor-Leste, hanesan kaben na’in Katólika, aman ezemplar ba oan sira iha família, maske iha okupasaun barak hanesan ema polítika estadista’, hatete nia. (*)