Login to your account

Username *
Password *
Remember Me

Kampaña Loron dahaat, Horta ‘Sukit’ Kazu Meza Prezidente PN Rahun

Kandidatu Prezidente Repúblika ba períodu 2022-2027, José Ramos-Horta. Kandidatu Prezidente Repúblika ba períodu 2022-2027, José Ramos-Horta. Foto Suplay

Tempotimor (Manatutu)-Kandidatu Prezidente Repúblika ba períodu 2022-2027, José Ramos-Horta, iha kampaña ba loron dahaat sábadu (05/03) kontinua sukit kazu Meza Prezidnete Parlamentu Nasionál ne’ebé rahun, iha loron 19 maiu 2020.

Ba akontesimentu Meza Prezidente Parlamentu Nasionál ne’ebé rahun, tanba Deputadu husi Partidu CNRT, José Virgílio ne’ebé baku fila no konsege rahun.

Tanba ne’e, kandidatu Prezidente Repúblika José Ramos Horta, sei buka hatene motivu husi kazu baku fila meza Prezidente Parlamentu Nasionál (PN).

“Derepente vise-prezidente ida halai tama tuur tiha meza konvoka plenária, bolu polísia tama. Iha tempu mai ita sei investiga sé mak bolu polísia ne’e mai. Sé mak haruka polísia tama ba parlamentu laran”, dehan nia hafoin hala'o kampaña eleitorál iha Postu Administrativu Laklubar, Munisípiu Manatutu, sábadu, (05/03).

Ho meza ne'ebé rahun iha loron 19 fulan-maiu 2020, ida ne'e sei loke investigasaun tanba presiza hatene sé mak iha momentu ne'ebá bolu no autoriza membru Polísia Nasionál Timor-Leste (PNTL) tama iha sala plenáriu Parlamentu Nasionál nia laran hodi kontribui segusansa depois ikus mai akontese situasaun refere.

Tanba ne'e, eleisuan prezidénsial ida ne'e importante tebes, se rai ida ne'e ema hotu hakarak moris nafatin iha demokrasia laran, entaun tenke hattur loloos konstituisaun.

Maibé Kandidatu Horta sei laiha inimigu ho partidu seluk, tanba iha nia moris rasik haku'ak partidu hothotu iha rai laran.

“Partidu bele di'ak, wainhira ema lidera ne'e di'ak, ita labele hatete de'it instituisaun ida ne'e importante teb-tebes, no sé mak halo instituisaun ne'e. E igreja mós ema mak halo direta hahú husi amu Papa to'o sarani. E politika ita halo tenke ser hanoin ema, hahú hanoin ba sira ne'ebé ki’ik liu, fraku liu to'o boot tiha, ne'e mak ha'u filozófia ba prezidente governasaun”, esplika nia.

Hafoin meza PN ne'ebé rahun iha loron 19 fulan-marsu tinan 2020, parte husi Governu liuhusi Parlamentu Nasionál mós konsege aprova hikas osan ho montante hamutuk $25,000.00 hodi hari'i filafali meza PN ne'e. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter