“Kualker altura ita-nia partisipa debate, ne'e previlejiu ida no hetan oportunidade partisipa debate ne'e, Portugéz bele, Inglés mós bele”, dehan Pinto ba jornalista sira iha Kampus Fakuldade Siénsia Sosais UNTL, Kaicoli, kuarta (23/02).

Tanba lian ofisiál Timor-Leste ninian mak Portugéz ho Tetun no língua servisu nia ne’ebé bele utiliza iha Timor-Leste hanesan lian-Inglés ho Indonézia.

“Ne'ebé lian haat (4) ne'e mak Konstituisaun Repúblika Demokrátika Timor-Leste rekoñese ha'u hanesan kandidatu ida ha'u prontu atu simu perguntas husi lian sira ne'ebé hotu, Inglés Bahasa Indonézia, Tetum no Portugés”, afirma nia.

Tanba lian sira ne'ebé mak iha ne'e importante mak povu ne'e atubele komprende kona-ba kompromissu polítiku, ida seluk mak kondidatu nia kapasidade atu domina lian sira ne'ebé uza iha Timor-Leste.

“Ba kandidatu ida ne'ebé mak domina lian barak ne'e di'ak liután, no ha'u prontu atu responde kualker pergunta husi sira”, deklara nia. (*)