Login to your account

Username *
Password *
Remember Me

Lú Olo Hakarak Líder Sira Hamutuk Solusiona Problema Nasaun

Prezidente Repúblika (PR), Francisco Guterres 'Lú Olo'. Prezidente Repúblika (PR), Francisco Guterres 'Lú Olo'. Foto Suplay

Tempotimor (Dili)-Prezidente Repúblika (PR), Francisco Guterres 'Lú Olo', hakarak líder nasionál sira tur hamutuk hodi bele solusiona problema ne’ebé durante ne’e nasaun enfrenta.

“Líder Nasionál sira ne'ebé lakohi tur hamutuk atu ko'alia, ne'e sira-nia hanoin, sira-nia postura ida, azves até lori postura polítika, ha'u bele dehan ne'e postura polítika, mais ba ha'u importante liu mak oinsá ita bele tur hamutuk, problema matak ne'e hira, problema ne'e boot to'o oinsá, laiha problema sem solusaun”, dehan PR Lú Olo iha Kampus UNTL Hera, kuarta (24/02).

Tanba ne'e, duni mak líder sira tau hamutuk problema, hothotu tur hamutuk, tau problema iha meza leten atu diskute hodi buka solusaun.

“Diskute nasaun ninia problema, la hanesan diskute ita-nia partikular ida, tanba ema barak nia interese, povu barak nia interese, presiza boa avontade, presiza onetidade, presiza ita-nia abertura ba malu atu diskute kestaun sira ne'e hotu, atubele hadi’a ita-nia rai, atubele hadi’a ita-nia povu nia moris, ita-nia moris”, informa dehan.

Nune'e Xefe Estadu agradese ba semináriu nasionál ne'ebé organiza husi Reitór Universidade ho grupu asosiasaun ida ne'ebé bolu Paz no rekonsiliasaun.

“Ha'u agradese tebtebes ba retóriu husi Reitór universidade ho asosiasaun organiza eventu ida ne'e, hodi konvida ha'u mai halo abertura, ho tema importante katak atu hala'o rekonsiliasaun no hametin valór sira ne'ebé mak uluk ita lori”, deklara Xefe Estadu.

Valór sira ne'ebé Timor-Leste iha liuhusi luta naruk ida ne'ebé mak la'o hamutuk feto, mane, hodi halo rezisténsia ida ne'e biar bele mate, terus maibé hakat liu hodi to'o mai ohin loron kria tiha nasaun ida ne'e.

“To'o ita independénsia, so independénsia liu iha valór bainhira ita bele hetan ita-nia povu moris di'ak, moris ho hakmatek, moris Paz, domin, independénsia ninia valór mak ida ne'e duni”, hatutan nia.

Tanba rekonsiliasaun halo parte diferénsia ba hothtou nia-an, kualker mindu la’o ho nia kontrariu rasik, bainhira iha kontrariu siknifika buka kontrariu rua hasoru malu atu haree fali dalan seluk ida atu la'o tuir.

“Timor-Leste nia fenomena la'o hanesan ne'e, prosesu dezenvolvimetu la'o hanesan ne'e duni, idea kontráriu sira bele lori”, afirma nia. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter