Items filtered by date: Tuesday, 22 February 2022

Tempotimor (Dili)-Diretór Ezekutivu Institutu Luta Hamutuk (LH), José Alves da Costa, akuza Kandidatu Prezidente Repúblika, José Ramos Horta bainhira eleitu sei sai Prezidente ba partidu CNRT, la'ós Prezidente Repúblika ba povu tomak, tanba intensaun hakarak atu disolve Parlamentu Nasionál (PN).

Tempotimor (Baukau)-Uma ba Kbi'it La'ek (UKL) faze dahuluk iha Aldeia Asanunu, Suku Soba, Postu Administrativu Laga, Munisípiu Baukau seidauk implementa, tanba difikulta husi dalan ne’ebé aat susar atu transporta matérial konstrusaun.

Tempotimor (Dili)-Prezidente Komisaun Nasionál (CNE), José Agostinho Belo hatete, monitorizasaun CNE durante ne’e seiduak rejista kandidatu Prezidente Repúblika Períodu 2022-2027 ne’ebé insulta malu iha atividade polítika hetan partisipasaun husi apoiante no simpatizante.

Tempotimor (Baukau)-Bee Timor-Leste Empreza Públiku (BTL.ep) Munisípiu Baukau planu ona atu monta metru kontador rihun ida ba Suku urbana sira, iha Postu Administrativu Baukau Vila.

Tempotimor (Dili)-Komandu Polísia Nasionál Timor-Leste (PNTL) husi Departamentu Jéneru sei realiza atividade komemorasaun loron feto internasionál iha Munisípiu Likisa, loron 18 fulan-marsu 2022.

Tempotimor (Dili)-Governu Austrália konkorda hodi servius hamutuk ba rekuperasaun ekonomia hafoin pandemia gobál (COVID-19) ne’ebé afeta nasaun sira iha mundu inklui Timor-Leste no Austrália.

Tempotimor (Dili)-Ministru Asuntu Parlamentar no Komunikasaun Sosiál (MAPKomS), Francisco Martins Jerónimo hatete, desizaun halo tranferénsia profesór sira ba servisu iha Administrasaun Edukasaun Munisípiu, tanba laiha lei Komisaun Funsaun Públika (KFP) ne’ebé bandu.

Tempotimor (Dili)-Sekretáriu Estadu Protesaun Sivíl (SEPS), Joaquin José Gusmão dos Reis Martins hatete, Governu iha ona planu tinan 2023, tau osan millaun $1 hodi sosa elikoptru ida atubele fasilita hodi apoiu emerjénsia ba populasaun bainhira iha dezastre ruma.

Tempotimor (Dili)-Deputadu Bankada Congresso Nacionál de Reconstrução de Timor (CNRT) iha Parlamentu Nasionál (PN), Domingos de Carvalho hatete, kona-ba Vise Prezidente Partidu, CNRT Gil Monteiro ‘Oan Soru’ ne'ebé okupa hela kargu Sekretáriu Estadu ba Asuntu Antigu Kombatente Libertasaun Nasionál no Veteranu, iha Governu daualu ida ne'e depende ba Primeiru Ministru (PM), Taur Matan Ruak, atu hasai desizaun ikus kona-ba ezonerasaun.

“Ne'ebé kompeténsia Primeiru Ministru, atu hakarak hasai yeah hasai, tanba Oan Soru mós foin dadauk sai membru estrutura partidu CNRT iha nivél nasionál ninian, hanesan primeiru vise prezidente tuir kedas Maun Boot Xanana, ne'ebé kompeténsia iha Primeiru Ministru”, dehan nia ba www.tempotimor.com iha Plenária Parlamentu Nasionál, tersa (22/02).

Maibé CNRT hakarak dehan de'i katak Sekretáriu Estadu ba Asuntu Antigu Kombatente Libertasaun Nasionál no Veteranu, Gil da Costa Monteiro “Oan Soru”, sei iha Governu ida ne'e nia laran tanba foin dadauk mak nia retoma ninia pozisaun hodi taka Primeiru Vise Prezidente partidu CNRT, Saudozu Mahuno Bulerek Karatyanao ne'ebe mak fila hikas ona mundu seluk.

“Entaun nia iha ne'ebá atu substitui de'it ida ne'e maibé desizaun ida ikus atu hasai ka la hasai ne'e kompeténsia Governu nian”, dehan nia.

Tanba ne'e, se karik primeiru ministru hakarak Kompaneru Gil Oan Soru mantein bele mantein nafatin, maibé nu’udar bankada CNRT sei mantein sai opozisaun ba Governu.

“Mais ami iha Parlamentu, iha Governu, ami ne'e opozisaun, ami la submete ba desizaun ruma ke Governu ninian ne'e, kuandu ami haree ba loos ami apoiu, e kuandu ida laloos nian ne'e ami krítika”, dehan nia.

Kona-ba koligasaun Aliansa Mudansa ba Progressu (AMP) ne'ebé uluk forma husi partidu CNRT, PLP ho KHUNTO hodi forma Governu, ida ne'e CNRT retira ona tanba ho orsamentu ne'ebé sumba iha PN.

Ho ida ne'e, CNRT agora dadauk sai hanesan opozisaun iha parlamentu maibé opozisaun ida ho konstrutivu atu hadi'a la'ós atu destroi la'e. (*)

Tempotimor (Dili)-Komandante Polísia Nasionál Timor-Leste (PNTL) hamutuk ho Komisaun Anti Korrupsaun (KAK) kordena ho Orgaun Eleitorál hanesan Komisuan Nasionál ba Eleisaun sira (CNE) no Sekretariu Tékniku Administrsaun Eleitirál (STAE) hodi asesgura eleisaun no kampaña eleisaun Prezidensiál.