“Komandu Dili sei la servisu mesak, maibé sei servisu hamutuk ho CNE, STAE, no Unidade Espesiál Polísia, Unidade Patroliamentu Fronteira, Unidade Polísia Maritima no Komisaun Anti Korrupsaun. Ita iha kordenasaun ho sira, atu nune'e bainhira atendementu iha terenu ne'e labele hamosu filafali problema seluk”, dehan Komadante PNTL Munisípiu Dili, Superintendente Xefe Henrique da Costa, iha komandu Munisípiu Dili, Kaikoli, segunda (21/02).

Dadaun ne'e efetivu iha Komandu Munisípiu Dili prontu ona atu asegura seguransa iha kampaña no eleisaun prezidensiál ne’ebé sei hala’o iha tinan 2022.

“Sim ita halo ona enkontru ho komamdante eskuadra sira, ho mos ita nian xefe seksaun sira, no iha semana kotuk ita mós halo ona enkontru ho komandu jerál, nomós komandante munisípiu sira para nune'e ita bele prepara-an hodi fornese seguransa ba atividade kampaña prezidensiál 2022 -2027 nian, nune'e ita iha ona planu hodi prepara seguramsa ba kandidatu sira ne'ebé mak halo atividade kampaña”, dehan Komadante Henrique iha komandu Munisípiu Dili, Kaikoli, segunda (21/02).

Membru sira hotu iha ona informasaun no preparasaun ne'ebé di'ak para nune'e fornese seguransa iha tempu kampaña eleisaunPrezidensiál. (*)