Team Leader BTL, Adriana Belo da Rosa hatete, aproxima ona ho Autoridade Munisípiu Baukau atu halo sosializasaun nivél Munisípal ne'ebé sei realiza iha fulan-marsu tinan-2022 ho Autoridade suku inklui parte importante sira atu hatene lala’ok no benefisiu husi metru kontadór.

"Ba monta metru kontador sei monta iha Suku Urbana nian, i Suku ne'ebé ami haree presaun bee ne'ebé di'ak sei halo koordenasaun ho lider lokál sira Gariuai, Triloka, Suku ne'ebé identifika Bahu ho Tirilolo, iha mós komunidade husi Buibau sorin, Kaibada sorin," dehan Adrina ba www.tempotimor.com iha kna'ar fatin, tersa (22/02).

Durante komunidade uza bee mos gratutita, balun sai vítima, nune'e Governu hamosu lei Nu.41/2020 ne'ebé halo mudansa estrutural ba Instituisaun diresaun jerál bee no saneamentu fila ba Bee Empreza Públiku hodi regula komunidade nia hanoin liuhusi monta mentru kontador hodi poúpa bee moos.

Alende monta metru kontador bee, la'os ba de'it komunidade sira, maibé edifísiu públiku sira ne'ebé antes konsumu bee mos husi BTL.ep.

"Agora ita order hela mil, mai tiha hotu, depois sosializasaun ita monta mil metru kontador ba uma ka'in," nia hatete

Bainhira monta metru kontador sei iha returnu ba kofre estadu, tanba durante estadu Timor-Leste tane liman ba nasaun seluk husu ajuda material bee mos nian.

Rejistu foun atu asesu bee moos husi BTL.ep ba meia polegada selu US$55, ba 3/4 selu US$100, maibé depende fali ba komunidade konsumu bee mos, tanba litru 100 selu 20 centavus.

"Tanba objetivu BTL.ep nian atu hatun gastus hasa'e reseitas ba estadu, hasa'e reseitas ita tenke tau duni metru kontador," nia afirma

Enkuatu BTL.ep eziste iha Munisípiu Baukau, hahú iha loron 13 fulan-dezembru tinan-2021, dadaun populasaun hamutuk rihun 52 konsumu bee mos. (*)