Login to your account

Username *
Password *
Remember Me

Disolve PN, Luta Hamutuk ‘Akuza’ Horta Sai Prezidente ba CNRT

Diretór Ezekutivu Institutu Luta Hamutuk (LH), José Alves da Costa. Diretór Ezekutivu Institutu Luta Hamutuk (LH), José Alves da Costa. Foto Tempo Timor

Tempotimor (Dili)-Diretór Ezekutivu Institutu Luta Hamutuk (LH), José Alves da Costa, akuza Kandidatu Prezidente Repúblika, José Ramos Horta bainhira eleitu sei sai Prezidente ba partidu CNRT, la'ós Prezidente Repúblika ba povu tomak, tanba intensaun hakarak atu disolve Parlamentu Nasionál (PN).

“Se kuandu ida ne'e mak akontese duni ba oin, ne'e Prezidente Repúblika ne'e prezidente ba CNRT, la'ós prezidente ba povu tomak, tanba tuir de'it orientasaun partidu nian, ne'e perigu la halimar”, dehan José Alves iha nia kna’ar fatin Luta Hamutuk, Farol, tersa (22/02).

Ho ida ne'e, Horta mós sei hanoin ida ne'e, sai prezidente atu apoiu husi partidu se de'it ne'e normal, tanba nia kapasidade, maibé ba atu halo tuir de’it partidu ida nia hakarak, di'ak liu lalikan sai prezidente.

“Ha'u hanoin katak, katuas sei tetu buat sira ne'e, e CNRT rasik mós hatene hela buat ne'e, soke hakarak hamanas de'it festa karik, hamanas tenda de'it, mais akontese ha'u fiar katak sei la akontese”, deklara nia.

Tanba tardes ona, ezemplu Horta eleitu mak Prezidente Parlamentu Nasionál dadauk ne'e lakohi fó tomada de pose taun Timor monu ba krize.

Bainhira Timor-Leste monu ba krize bele akontese intervensaun militar mós bele iha, tanba prezidente eleitu agora iha fulan neen (6) nia laran laiha kompeténsia atu dissolve Parlamentu.

“Ha'u dehan ne'e hanesan lia-mamuk de'it, mais ha'u fiar katak sei la halo, tanba risku ne'e iha hotu, tanba hela de'it fulan neen ba eliesaun ágora ita hakarak tun tan atu kria tan eliesaun, ha'u hanoin ne'e susar oituan, e Governu ho parlamentu mós dalaruma la fó, tanba tenke iha krize instituisionál, se parlamentu iha ne'ebá solidu nafatin, fó apoiu nafatin ba programa Governu, problema ne'e saida mak ita atu sobu, ida ne'e mak problema”, esplika nia.

Nune'e Luta Hamutuk fiar katak, karik Horta eleitu ba Prezidente Repúblika nia sei tetu, tanba nia hanesan ema diplomata, ne'ebé dalaruma mak aseita. (*)

Rate this item
(1 Vote)
Last modified on Tuesday, 22 February 2022 17:02
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter