Tempotimor (Dili)-Ministériu Saúde (MS), aban segunda (10/05) liuhusi Ekipa saúde iha Sentru Saúde Bekora sei vasina komunidade sira husi aldeia Auhun, no aldeia Makoko-Mate, suku Bekora, Postu Administrativu Kristu Rei, Munisípiu Dili, tanba risku ba covid-19.

Tempotimor (Dili)-Governu liuhusi Ministériu Solidaridade Sosial no Inkluzaun (MSSI) lansa vasina astraZeneca daruak ne'ebé prioridade ba sidadaun ho idade 60.

Tempotimor (Dili)-Ministra Saúde (MS), Odete Maria Freitas Belo konsidera vasina AstraZeneca sai nu'udár prevensaun ikus hasoru surtu covid-19 iha Timor-Leste (TL).

“Hakarak deklara katak esforsu ba lala'ok prevensaun seidauk remata, tanba ita sei iha bala ikus, ita sei iha kilat musan ida ikus mak, vasina no vasinasaun”, afirms Odete iha salaun VIP, Aeroportu Internasionál Prezidente Nicolau Lobato, kuarta (05/05).

Vasina AstraZeneca ne'e realiza dadauk hela, tanba TL simu tiha ona husi covax facility nian, no iha faze daruak ne'e, simu tan vasina ho doses hamutuk rihun 20 (20 mil) ba moras infesioza águda, hanaran covid-19.

“Ida ne'ebé mak hakarak atu fó ba iha ita-nia ema rihun-20 ne'ebé mak elizidu ba maluk sira ho tinan 60 liu, nomós ba sira ne'ebé ho moras krónika sira hanesan, ema sira ne'ebé moras ho hipertensaun, moras diabétikus, ho sira ne'ebé mak ho moras rins, ne'ebé hala'o hela iha modeliza, moras infesioza krónika pulmaun nian, hanesan tuberkuloze, ita sura ho maluk sira ne'ebé moras hela ho HIVSIDA”, dehan nia.

Sidadaun sira afetadu ho moras hirak ne'e, hanaran grupu vulnerável ka grupu risku ne'ebé iha posibilidade ka, probalididade aas, atubele ospitaliza no lakon sira-nia vida bainhira virus SARS-CROV2 atubele hada'et ba sira.

Tanba ne'e, husu ba sidadaun hotu atu konvense malu no ema iha ida-idak konsiénsia hodi simu vasina AstraZeneca, nune'e bele halo redusaun ba moras pandemia globál surtu covid-19 iha TL.

Embaixadór Austrália iha TL, Peter Roberts hato’o nia kongratulasau ba governu TL, liuhusi ministériu saúde ne'ebé fornese ona vasina astraZeneca iha faze dahuluk nian ho susesu ba pasiénte sira.

“Vasina ne'e ho montante doses rihun 20 to'o ohin, no iha semana rua mai sei to’o tan doses rihun 10. Apoiu ida ne'e hanesan komitmentu husi governu Austrália hodi tulun kobertura vasina ba populasaun ho pursentu 80 (80%) ne'ebé la kobre husi covax”, dehan Peter Roberts.

Vasina AstraZeneca ne'e, produz iha sidade Melbourne no sidadaun sira iha Austrália, maioria mak simu ona vasina refere. (*)

 Tempotimor (Dili)- Aviaun Qantas ne'ebé tula vasina AstraZeneca hamutuk rihun 20 doses husi nasaun Austrália to'o ona iha Aeroportu Internasionál Nicolau Lobato, Komoro, Dili Timor-Leste (TL).

Tempotimor (Dili)-Governu Austrália deside entrega Vasina AstraZeneca hamutuk 10.000 doses ba Governu Timor-Leste liuhusi Ministériu Saúde, iha loron kuarta (05/05) aban.

Maske apoiu ne’e deside atu entrega, maibé seidauk iha oras no fatin ne’ebé fiksu.

" Aban ita sei simu vasina ne'ebé apoiu husi Austrália, ita sei hetan 10.000 doses ba Covid 19 nian”, informa Ministra Saúde Odete Maria Freitas Belo, hafoin halo enkontru ho Primeiru Ministru iha Faról, tersa (04/05)

Apoiu ne’e, mai husi kooperasaun bilaterál entre nasaun Timor-Leste ho Austrália durante ne’e.

Tanba, iha loron 19 fulan-abril Timor-Leste mós sei hetan tan 10.000 doses no hetan mós Covax facility, maibé apoiu vasina Sinovac husi Xina ne’e seidauk iha loron fiksu.

“Iha loron 19 ita mós sei simu tan 10.000 doses no iha tempo hanesan ita mós prepara atu simu Covax Facility no hetan mós apoiu husi nasaun Xina Sinovax maibé seidauk determina data fixu”, dehan nia. (*)

Tempotimor (Dili)-Premiadu Nobel ba Paz, José Ramos Horta hatete, nia parte fó apoiu nafatin maibé la ko’alia sai nasaun sira ne’ebé Primeiru Ministru (PM), Taur Matan Ruak, kontaktu hodi fornese vasina AstraZeneca.

Tempotimor (Dili) - Ministra Saúde, Odete Maria Belo hatete, dadaun ne'e governu esforsu maka'as hela hodi kompleta vasina pursentu (80%) iha Timor-Leste (TL).

Maske, nasaun barak mak utilija modelu vasina ne'ebé oinoin (kahor) hanesan balun uza Covac AstraZeneca no Sinovac husi Xina inklui mós P'fizer.

Iha Timor-Leste antes ne'e hetan ajuda husi covac fasility AstraZeneca hamutuk 200 resin dozes no dadaun ne'e sei utiliza rihun-24 dozes.

Nune'e Governu halo servisu extra atu kompleta tan 80 pursentu husi populasaun ne'ebé seidauk vasina tanba ne'e deside utiliza tan Sinovac ne'ebé ajuda husi Xina hamutuk rihun-100 dozes.

"Governu deside katak ita Labele hein de’it, ita presiza halo ona servisu extraordinária ida katak ita-nia servisu bilateral liuhusi ministru negósiu estranjeiru atubele komunika ho nasaun ne'ebé mak ita servisu hamutuk ho sira hanesan Xina, Austrália, Índia mós ita halo karta ba para hetan dozes extra ida ba 80 pursentu, hodi hein mos covac fasility ne'ebé mak apoiu ita," dehan Odete iha Parlamentu Nasional (PN), sesta (23/04).

Maibé, Primeiru Ministru rasik simu ona karta ofisial husi embaixada Xina iha Timor-Leste no dadaun ne'e governu sei prepara atu simu ajuda vasina Sinovac husi Xina.

"Oinsá mak lori mai, se mak ba lori mai, depois treinamentu, tenke treina fali, prontu iha buat barak ita halo tenke prepara uluk antes vasina ne'e lori mai”, dehan Odete.

Antes ne'e mós governu Austrália deside ajuda tan rihun 10 dozes vasina AstraZeneca ne'ebé mak sei prioridade ba Vulnerável sira.(*)

Tempotimor (Dili) - Vise Ministru Saúde ba Dezenvolvimentu Estratéjiku Saúde, Bonífacio Maucoli dos Reis hatete, governu Austrália sei ajuda vasina AstraZeneca rihun 10 dozes no prioridade ba Vulnerável sira.

Tempotimor (Dili) - Tentente Coronel Falintil-Forsa Defeza Timor-Leste (F-FDTL), Guido de Oliveira hatete, simu vasina Astrazeca sai nu'udár 'tátika' ida hodi luta hasoru covid-19 iha Timor-Leste.

Tempotimor (Dili) - Diretor Klinika Bairu-pite, Inácio dos Santos hatete, reasaun vasina normal akontese, importante mak deskansa no han ai-han saudável, konsume penkiler ka analgesik ne'ebé pesoál saúde sira fó.