Maiória ema ne’ebé simu vasina kuaze iha reasaun isin-manas, muta, alerjia nune'e presiza tempu loron 2 ba 4 atu deskansa, inklui konsume aimoruk analgesik hanesan paracetamol ou ibuprofen atu redus isin-manas no moras iha fatin sona nian.
"Durante loron hirak nia-laran atividade ita labele halo, hapara tanba ne'e ita-nia kabas ne'ebé sona hetan adversa morsa to'o isin lolon tomak, ita tenke hapara atividade, konsume pain killer ou analgesik ne'ebé mediku fó tenke deskansa, konsume ai-han ne'ebé saudável, hemu be barak”, dehan Inácio ba www.tempotimor.com iha nia-kna’ar fatin Bairopite Dili, segunda (19/04).
Nune’e ema balun mak mosu alergia hafoin vasina maibé situasaun ne'e la’ós foun no la’o kleur ona durante tinan naruk, presiza de’it atendimentu médiku.
"Dala-ruma ema barak mak alergia aimoruk ho antibiótika sira, ne'ebé normal”, dehan Inácio.
Vasina liu ona husi klinika trail sempre iha reasaun, hanesan bainhira Inan-aman lori labarik ki'ik sira vasina sempre mosu isin-manas, muta.
Vacina AstraZeneca rekomenda husu Organizasaun Mundial Saúde (OMS) no liuhusi klinika trail, mesmu Timor-Leste seidauk iha laboratóriu atu analiza vasina seguru ka falsu, maibé governu inklui pesoál médiku sira barak mak vasina ona entaun prova kadak vasina AstraZeneca seguru.
"Iha Klinika rasik ita konsege halo ona vasina ba staf hamutuk 24 ona maibé ami preoridade ba sira ne'ebé front line atende (kaer) pasiénte”, dehan Inácio.(*)