Aviaun Qantas tula Vasina Astrazeneca Doses rihun 20 husi Austrália to'o ona TL

By Tempo Timor May 05, 2021 977

font size decrease font size increase font size
Print
Email

Aviaun Spirit of Australia Qantas ho marka VH-XZC ne’ebé tula Vasina AstraZeneca rihun-20 dozes husi Austrália tun iha Aeroportu Internasional Nicolau Lobato, Komoro, kuarta (05/05). Foto Tempo Timor

Tempotimor (Dili)- Aviaun Qantas ne'ebé tula vasina AstraZeneca hamutuk rihun 20 doses husi nasaun Austrália to'o ona iha Aeroportu Internasionál Nicolau Lobato, Komoro, Dili Timor-Leste (TL).

Aviaun Spirit of Australia Qantas ho marka VH-XZC ne'e to'o iha loron kuarta (05 fulan Maiu tinan 2021), maizumenus tuku 11:59 otl.

Tuir observasaun www.tempotimor.com iha terrenu nota, bainhira hatun vasina AstraZeneca hamutuk rihun-20 husi aviaun laran, ekipa sira ne'ebé servisu iha Aeroportu halo kedan dezinfekta ho ai-moruk.

Iha tersa (04/05), hafoin sorumutuk konsellu ministru iha Faról, ba jornalista sira, Ministra Saúde (MS), Odete Maria Freitas Belo dehan, vasina AstraZeneca hirak ne'e to'o iha TL, liuhusi kooperasaun bilaterál entre governu nasaun rua, TL ho Austrália.

Tuir planu, iha loron 19 fulan-maiu ne'e, TL sei simu tan apoiu vasina AstraZeneca ho kuantidade hamutuk doses rihun 10, nune'e sei prepara aan hodi hetan Covax facility.

Aleinde ne'e, TL sei simu mós apoiu Sinovax husi nasaun Xina, maibé seidauk iha data ne'ebé fiksa.(*)

Rate this item

(0 votes)

Last modified on Wednesday, 05 May 2021 14:18

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com