Husi alterasaun prevista katak, vasina Pfizer daudaun ne’e sei administra ba sidadaun ho idade hanesan ka 18 ba leten, hanesan mós doze dahuluk no daruak, aleinde doze reforsu (booster) ne’ebé abranje ona grupu idade ne’e.
To’o loron 2 fulan-maiu, totál 71,6% husi joven sira iha nível nasionál entre tinan 12 no 17, pelu menus simu ona doze ida.
Iha país tomak 36,9% husi joven sira simu ona doze rua, no iha Dili, 74,4% husi joven sira ho idade 12 no 17 simu ona doze rua husi vasina Pfizer.
Relasiona ho individuu sira ne’ebé ho idade 18 ba leten, 72,2% simu ona pelu menus doze daruak no 84,6% simu ona pelumenus doze ida husi vasina kontra COVID-19. (*)
