Login to your account

Username *
Password *
Remember Me

MS Konsidera REBAS Bele Ajuda Aumenta Koñesimentu Komunidade

Vise Ministru Saúde (MS), Bonifacio dos Reis 'Maucoli'. Vise Ministru Saúde (MS), Bonifacio dos Reis 'Maucoli'. Foto Suplay

Tempotimor (Dili)-Vise Ministru Saúde (MS), Bonifacio dos Reis 'Maucoli' konsidera lansmentu Rede Ba Saúde (REBAS) husi Forum Organizasaun Naun Governamentál Timor-Leste (FONGTILI) ho parseiru United States Agency for International Development (USAID) bele ajuda aumenta koñesimentu komunidade sira-nian ba saúde.

“Sistema ida ne'e bele ajuda tebes Governu liuhusi Ministeriu saúde hodi halo kooperasaun, koordenasaun nomós interesante liu oinsá sira bele advokasia Sensivilizasaun kona-ba saúde nune'e bele aumenta koñesimentu komunidade nian ba saúde di'ak liután”, dehan Bonifacio hafoin lansamentu REBAS iha Timor Plaza, Suai Room, kinta (05/05).

Tanba programa ne'e tuir duni planu estratejiku dezenvolvimentu nasionál saúde 2011 to'o 2030 nian hodi bele hasa’e prestasaun saúde iha área remotas sira.

“Iha 2030 ne'e ita hakarak objetivu ita-nia povu tenke saudavel, entaun ita hasae liuba prestasaun saúde kuidadus primariu liliu fó atensaun liuba área remota, ita-nia objetivu atu atende ema hothotu hanesan no kualidade hanesan”, dehan nia.

Nune’e Ministériu Saúde sei hadi'a kapasidade pesoál saúde nian, atubele iha prestasaun di'ak hodi atende saúde komunidade sira iha futuru ho di'ak liután.

Diretora Ezekutivu FONGTIL, Eleizabeth Lino Araújo hatete, FONGTIL sai parseru kritika ba Governu liliu ba Ministériu Saúde atu halo liña koordenasaun ho REBAS.

“Governu Timor-Leste liuliu Ministériu Saúde tenke halo liña kordenasaun ho Rede ba Saúde iha Timor-Leste, ami bele propoin informasaun ne'ebé ami hetan iha tereñu ba sira”, dehan nia.

Tanba REBAS ne'e rasik iha FONGTIL nia okos sira mak bele halo rede advokasia ba setór saúde.

"Ita-Boot sira hatene buat barak mak Ministériu Saúde halo ona, maibé ho REBAS nia ezistensia atu halo di'ak liután, atendementu públiku ne'ebé iha, sistema saúde ita-nia seidauk adekuadu loos, tanba ami ba komunidade sira-nia leet sira hakerek loos ba saúde”, esplika nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« July 2022 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter