Projetu Rezolusaun ba prorrogasaun mandatu Komité Orientadór 25 nian ne’ebé aprovaona, hetan aprezentasaun husi Ministra Edukasaun, Dulce de Jesus Soares.
Tanba ne’e, konsidera katak atu fó kontinuidade ba mandatu Komité Orientadór, no atu bele konklui traballu peskiza, análize no elabora Livru Istória Rezisténsia Juveníl no Estudantes Timor-Leste nian, Governu deside hodi prorroga mandatu Komité Orientadór 25 nian ba tinan lima tan.
Despeza no enkargu sira ne’ebé mosu husi prosekusaun atribuisaun sira Komité Orientadór 25 nian sujeita ba rejime ne’ebé aplikavel ba konsesaun subvensaun públikas, ne’ebé bele distribui ba verba sira ne’ebé tau ona iha orsamentu anuál Ministériu Edukasaun nian.
Rezolusaun Governu nian ida-ne’e prodúz efeitu sira, retroativamente, hahú husi loron 9 fulan-janeiru tinan 2022. Komité ne’e rasik lidera husi Constâncio Pinto 'Terus'. (*)