"Governu Austrália mós sei fó tan 10 mill dozes liuliu atu aplika ba sira ne'ebé vulnerável, ba katuas ferik sira ne'ebé mak ho moras komplikadu, sira ne'e mak iha vantajen uluk atu hetan vasina ne'ebé mak sei tuir mai", dehan Bonífacio iha Parlamentu Nasionál (PN) Dili, tersa (20/04).
Maibé, vasina rihun 10 remata, governu Austrália sei ajuda tan nune'e mos governu Timor-Leste rasik preve ona orsamentu ne'ebé tuir planu iha fulan-jullu laran aplika ba second line 80% husi populasaun tomak.
"Orsamentu ba 80% ne'e US$15 milhões”, dehan Bonífacio.
Dadaun ne'e progressu vasinasaun atinje ona rihun 10 resin husi totál rihun 24 resin dozes ne'ebé faze primeiru prioridade ba front line hanesan Pesoál Saúde, PNTL no Falintil-FDTL, Protesaun Sivíl, Alfandega, Membru governu, Deputadu, Mídia.(*)
