Login to your account

Username *
Password *
Remember Me

Asidente Tráfiku Bukoli Vítima Agustino Charles Hakotu Iis iha HoREX Baukau

Matebian Agostino Charles nia mate isin ne’ebé hatoba hela iha sala mortuariu HoREX Baukau, tersa (11/01). Matebian Agostino Charles nia mate isin ne’ebé hatoba hela iha sala mortuariu HoREX Baukau, tersa (11/01). Foto Tomas Freitas

Tempotimor (Baukau)‐Asidente tráfiku ne’ebé akontese iha Suku Bukoli, Postu Administartivu Baukau Vila, Munisípiu Baukau vitíma ida ho naran Agustino Charles (18) la konsege salva nia vida iha Ospitál Rejionál Eduardu Ximenes (HoREX) Baukau.

Akontesimentu ne’e, iha dalan área suku Bukoli loron 11 fulan-janeiru tinan 2022 (ohin) tuku 03:50 madrugada, hafoin karreta pick-up Cary ho sapa matrikula 38-742 Tls kór metan diresaun Munísipiu Lautein, Postu Administrativu Iliomar atu halo viajen ba Dili mak soke no rezulta ema na'in-10 tama Ospitál Baukau, maibé na'in-ida la konsege sala nia vida hafoin halo tratamentu.

Xefe Kontrolu Kualidade no Komunikasaun Sosiál HoREX, Claudino Ximenes hatete, antes evakua vítima ne'e hamutuk ho nia maluk sira husi fatin asidente tráfiku Bukoli to'o iha HoREX matebian rasik kondisaun todan, tanba hetan kanek iha parte oin laran.

"Ami konsidera baku ba aspal, nia rentos ne’e. Médiku sira hothotu halo esforsu tomak atu salva, maibé labele salva tuku 09:30 iha emerjénsia," dehan Claudino iha sala emerjénsia HoREX Baukau, tersa (11/01).

Asidente ne’e, vitíma feto-ida ho idade 23 (ohin) tuku 10:00 transporta ona ba Ospitál Nasionál Guido Valadares (HNGV) Dili hodi halo tratamentu intensivu tanba fraktura plefik.

Nune'e mós, iha vitíma seluk ho naran Salvador da Silva ho idade 18 hetan traumakapitis, tanba parte oin laran nakles, no médiku sira halo ona karta referénsia atu transporta ba HNGV.

"Tanba, informasaun ne'ebé ami hetan husi pasiénte  sira katak soke moru, entaun sira iha karreta kotuk semo sai arbiru de'it," haktuir nia.

Observasaun www.tempotimor.com iha tereñu nota katak, mate-isin Agustino Charles dadaun rai hela iha sala mortuariu HoREX Baukau ne’ebé hetan akompaña husi família no sei lori ba matebian nia hela fatin Iliomar hodi haloot tuir tradisaun. (*)

Rate this item
(5 votes)
Last modified on Tuesday, 11 January 2022 23:24
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter