Login to your account

Username *
Password *
Remember Me

Moras Mental Baku Domingos Ximenes To'o Grave iha Baukau

Vítima Domingos Ximenes toba hela iha sala HoREX Baukau hodi hetan tratamentu husi pesoál saúde sira, kinta (02/06). Vítima Domingos Ximenes toba hela iha sala HoREX Baukau hodi hetan tratamentu husi pesoál saúde sira, kinta (02/06). Foto Tomas Freitas

Tempotimor (Baukau)‐Iha loron 01 fulan-juñu tinan-2022 (horseik) ema ho kondisaun moras mental baku vítima Domingos Ximenes to'o grave, iha Postu Administrativu Baukau Vila Munísipiu Baukau.

Komadante Polísia Nasionál Timor-Leste (PNTL) eskuadra Postu Baukau Vila, Marcelino Fraga, informa, akontesementu ne'e (horseik) pur-volta tuku 07:30, iha área Telekom vila nova, suspeitu naran Paulino Ximenes Perreira idade 45 kondisaun moras mental, baku vítima Domingos Ximenes ho idade 63 , to'o grave.

"Iha kazu ida la'os taa, maibé baku, rian ho rian sira na'in-2 mesak iha uma, sira na'in-2 baku malu, ida nia rian kondisaun moras mental ne'e baku ida kondisaun normal ne'e," dehan dehan nia iha kna'ar fatin vila antiga, kinta (02/06).

Hafoin akontese komunidade sira liga ba parte PNTL to'o kedas iha fatin hodi transporta tiha vítima ba Óspital Rejionál Eduardo Ximenes (HoREX-sigla portugés) Baukau halo tratamentu.

"Nia kanek iha parte ulun karuk, ho nia hasan parte karuk tohar, nia liman karuk tohar ho nia tilun parte los mak nakles," nia informa

Enkuantu halo tratamemtu iha HoREX Baukau lakonsege, nune'e loron 02 fulan-juñu (ohin) transposta ona ba Óspital Nasionál Guido Valadares (HNGV-sigla portugés) Dili hodi kontinua halo tratamentu.

"Suspeitu iha hela ne'eba sira (membru PNTL) lori mai iha eskuadra, mais ami latau iha sela, tanba ema ne'e kondisaun saúde la normal, tanba wainhira ita husu ba ko'alia la sambung," nia agresenta

Enkuantu suspeitu ho vítima husi Suku Buibau, Postu Administrativu Baukau Vila, motivu husi akontesementu seidauk relata, tanba sei hein vítima nia kondisaun. (*)

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter