"Ita-nia Kadete Foun sira, joven ne'ebé foun sira foin mak envolve iha kadete Bombeiru nian ne'ebé sira presiza duni fahe informasaun relasaun hodi nune'e sira komprende koñesimentu liliu atu halo prevensaun ba nia-an sira ne'e ema bolu p3k, ajuda ema primeiru bainhira ema ruma atu iha bee mak lori sira ka mota mak lori sira entaun sira ne'e mak ema primeiru atu ajuda sira”, dehan Prezidente Institutu HIV-SIDA, Atanasio de Jesus, ba jornalista sira iha salaun Bombeiru, Kaikoli, tersa (11/01).

Tanba ne'e importante oinsá mak bele ajuda komunidade sira ne'ebé afeita ba dezastre no aban bairua sira bele Kombate husi moras refere.

"Entaun vírus ida ne'e la'ós daet de'it liuhusi relasaun sexual maibé iha ita-nia ajuda sira kona-ba halo atividade sosiál ne'e tanba ida ne'e mak institutu Nasionál Kombate HIV-SIDA sira ohin primeiru halo atividade iha Bombeiru iha koordenasaun ne'ebé di'ak entre ho Institutu Nasionál Kombate SIDA”, hatete nia.

Diretór Bombeiru, Claudio Silva hatete, nia parte agradese tebes tanba atividade ne'e interesante, iha oportunidade ida ne'e.

"Hanesan servisu operasionál, ami sente katak interesante tebes duni, tanba ne'e mak ami agradese ba oportunidade ohin tanba ami bele hetan informasaun, desiminasaun kona-ba informasaun saida mak HIV-SIDA”, dehan nia.

Tanba durante rona hela informasaun maibé ne'e foku loos ba Covid-19 maibé agora tempu ona atu tau atensaun ba moras HIV-SIDA ne'ebé afeita ka ameasa ba ema nia Saúde.

"Ami Bombeiru mós importante tebes atu fahe ba ami-nia membru sira hotu e ami husu se bele eventu ne'e bele la'o to'o iha Munisípiu hothotu”, rekomenda nia.

Kadete Foun Bombeiru ne'ebé tuir hela formasaun hamutuk 60, ne'ebé simu informasaun kona-ba HIV-SIDA nian husi Komisaun Nasionál Luta Kontra HIV-SIDA. (*)