"Konserteza dadus agora Dili, tanba Dili sentru ba ema hothotu, maioria ita hela iha Díli, Munisípiu karik Díli primeiru, segundu ba Bobonaru-Maliana, tuir Munisípiu hanesan Baukau no RAEOA”, dehan David iha Bombeirus Kaikoli, tersa (11/01).
Tanba tinan 2003 to'o 2021 HIV-SIDA hamate ema na’in-234 iha Timor-Leste, no kazu balu halo hela tratamentu.
"Ohin loron ita iha ministériu Saúde hahú husi 2003 to'o Setembru 2021 ita rejista ona kazu akumulativu hamutuk 1.464 mate ona 234 no ita halo hela tratamentu 119 no restu sira ne'e ita drop out no dadaun ne'e buka tuir sira ne'ebé oras ne'e la halo tratamentu”, afirm nia.
Iha indikadór lubun ida mak Timor-Leste halo teste tuir planu estratéjiku Ministériu Saúde nian, halo teste ba inan isin-rua sira, moras hadaet relasaun sexual, Tuberkulozu (TB) inklui voluntáriu sira ne'ebé mak hakarak halo teste ba moras HIV-SIDA ne'e iha fasilidade saúde iha Timór laran tomak.
Dadaun ne'e iha sentru tratamentu ualu (8) hanesan HNGV, ospitál referál lima, Klinika Bairopite no sentru saúde vera Cruz, mak atende pasiénte HIV-SIDA sira iha Timor laran tomak. (*)