Husi insidénsia Covid-19 iha Timor-Leste durante loron 7 ikus mak 6,8/100 mil abitante, enkuantu ba de'it munisípiu Dili 20,2/100 mil abitante.            

Nune'e, númeru insidénsia hatudu nafatin munisípiu Dili mak fatin ho risku boot liu atu populasaun hetan da’et no hada’et tutuan vírus SARS-CoV-2.

“Maske taxa insidénsia nasionál no munisípiu Dili tun liu 50% iha semana rua ikus nia laran (sura husi 27 maiu to’o 09 juñu 2021)”, dehan Rui liuhusi komunikadu imprensa, kuartu (09/06).

Enkuantu, kazu detetatu foun ne’ebé relata iha 9 fulan-juñu tinan 2021 hamutuk 79 (iha Dili 61, iha munisípiu seluk, 18) mane 39, feto 40, ho idade 12 na'in-1, ho idade entre 12-59 na'in-95 (96,9%), ho idade 60 na'in-2 no proporsaun kazu sintomátiku hamutuk 10,1%.         

“Kazu rekuperadu 256, totál kazu ativu 1938, totál kazu konfirmadu kumulativu iha 9 fulan-juñu 2021 (sura husi      21 Marsu 2020) 7941”, informa nia.

Husi loron 8 to’o 9 fulan-juñu, hamutuk hotu Laboratóriu Nasionál Saúde (LNS) halo 1061 testes PCR   iha Dili, ho detalla hanesan, vijilánsia sentinela 9, rastreiu ba kontaktu (contact tracing) 46, rastreiu aleatóriu (random screening) 205, viajen sai husi serka sanitária Munisípiu Dili 790, viajen internasionál 11 no  follow up iha kuarentena 0.   

Rezultadu testes PCR ne’ebé  halo iha loron 8 fulan-juñu iha munisípiu sira seluk REAOA ho HNGV, hamutuk 483, ho detalle hanesan, Baukau 47, Ermera 99, Maliana 64, Maubisse 128, RAEOA 1, Suai 32, Vikeké 33 no HNGV 79. (*)