Apoi ne’e, aviaun Asia Airlines ho marka TRI-M.G ne’ebé transporta mai iha loron kuarta (09/06), no to'o Aeroportu Internasional Prezidente Nicolao Lobato, Komoro, maizumenus tuku 15:13 oras timor-leste (otl).
Vasina Astrazeneca hirak ne'e, molok tula sai husi aviaun laran, ekipa sira ne'ebé servisu iha aeroportu, halo kedan dezinfekta.
Apoiu governu Nova Zelándia ne’e liuhusi Covax Facility, simu direta husi Ministra Saúde (MS), Odete Maria Freitas Belo, hetan akompaña husi Vise Ministru Negósiu Estranjeiru no Kooperasaun (MNEK), Juliăo da Silva.
Antes ne’e, Primeiru Ministru (PM), Taur Matan Ruak hatete, vasina astraZeneca sei kompleta doze ba sidadaun sira ne'ebé molok ne'e simu ona.
“Entaun, iha aban (09/06) mai ne'e, balu kompleta doze ida ba ema sira ne'ebé simu uluk. Hanesan ha'u simu uluk, entaun kompleta ida ne'e halo doze rua, tanba ema ida tenke simu doze rua, entaun, simu doze rua”, dehan PM Taur hafoin sorumutuk ho Xefe Suku sira salaun Ministériu Finansa (MF), Ai-larak Laran, tersa (08/06).
Tuir planu, loron kinta (10/06), governu sei hala'o lansamentu Vasina AstraZeneca ba faze daruak nian iha Centro Convençăo de Dili (CCD). (*)