“Iha programa eskolar ne'e hetan apoiu husi Estadu Unidu hamutuk millaun $5 kada tinan”, dehan nia iha Palásiu Prezidensiál Bairopite kuarta (15/06).
Maibé ba Programa Edukasaun iha Timor-Leste ne'e kada tinan hetan apoiu orsamentu hamutuk millaun ida-resin husi Governu Nova Zelándia.
Tanba ne’e iha mós projetu foun Lafaek ne'ebé inisia husi Governu Nova Zelandia hamutuk ho Care Internasional Timor-Leste hodi prepara akordu ne’ebé sei asina ho Governu Timor-Leste.
Iha projetu Lafaek ne'e komponente oioin hahú husi edukasaun no empoderamente feto sira, no lian feto nomós iha komponente kona-ba programa Care nian iha nutrisaun ba eskola sira kona-ba apoiu merenda eskolar.
“Ami suporta ho hahán no saneamentu ba eskola sira iha programa merenda Eskolar”, informa nia.
Ba preparasaun kona-ba selebrasaun akordu ne'e, parte Care konvida Prezidente Repúblika, José Ramos Horta, atubele asiste Governu Timor-Leste assinatura ba Projetu foun refere. (*)